Turk kinoolamida o‘z o‘rniga ega aktyor va aktrisalarning hayoti turfa voqealarga boy. Quyida ba’zi turk yulduzlarining shaxsiy hayotidagi yangiliklar haqida ma’lumot beriladi.
Kivanch Tatlitug‘
Kivanch Tatlitug‘ va rafiqasi Bashak Dizer Dubayga sayohatga yo‘l oldi. Aktirsa Bashak o‘g‘li bilan ta’tilda tushgan suratlar bilan o‘zining Instagram sahifasida bo‘lishdi.
Kuni kecha aktyor Kivanch Tatlitug‘ mototsikllarga bo‘lgan ishtiyoqidan voz kechgani sababi ma’lum bo‘ldi. Endilikda u oilasi va farzandi uchun ko‘proq vaqt ajratishga harakat qilmoqchi.
Bunga Kivanchning onasi sababchi bo‘ldi. Nurten Tatlitug‘ o‘g‘liga mototsikl haydashni to‘xtatishni, kelini va nabirasi bilan ko‘proq vaqt o‘tkazishni maslahat bergan:
“O‘g‘lim, endi sen farzandli bo‘lding. U hayotingdagi eng muhim shaxsdir. Iltimos, mototsiklga bo‘lgan muhabbatingdan voz kech, sen mudhish avariyani boshingdan o‘tkazding. Bunday voqea qayta takrorlanmasligiga hech kim kafolat bermaydi”.
2013-yilda aktyor mototsiklda ketayotib, boshqa bir haydovchi bilan to‘qnashib ketgan va uzoq vaqt shifoxonada og‘ir ahvolda yotgan.
Ozan Guven va Yusra Geyik
“Tosh, qaychi, qog‘oz” seriali efirga uzatila boshlangandan so‘ng filmda suratga tushgan aktrisa Yusra Geyik va aktyor Ozan Guvenning loyihadan tashqari munosabatlari haqida turli mish-mishlar tarqala boshladi. Yulduzlarni oyoq kiyim do‘konida xaridlar qilayotgan vaqtda ko‘rib qolishgan.
Yusra bu xabarni rad etdi:
“Ozan bilan hech qachon yaqin munosabatda bo‘lmaganmiz. Shuning uchun bu mavzu meni xafa qilmaydi va aktyor haqida beparvo so‘zlayveraman. Biz shunchaki bir loyiha ustida ish olib bormoqdamiz, xolos”, — dedi aktrisa.
“Tosh, qaychi, qog‘oz”da Ozan Guven Umut obrazini ijro etgan. Serialda Umut fenomenal xotiraga ega muvaffaqiyatli advokatdir. Unda kam uchraydigan sindrom —gipertimiziya (hech narsani unutmaslik) bor. Qahramon bu qobiliyatidan ezgu maqsadlarda foydalanmoqchi bo‘ladi.
Melisa Asli Pamuk
Turk aktrisasi va model Melisa Asli Pamuk va fransuz futbol jamoasi o‘yinchisi Yusuf Yazjichi iliq munosabatlar o‘rnatganiga bir yildan oshdi. Ular ikki davlatda — ba’zan Turkiya va ba’zan Fransiyada yashar edi. O‘tgan yilning sentyabr oyida Yusuf Melisaga Komo ko‘li bo‘yida turmush qurishni taklif qildi. Melisa esa bu taklifga sevgilisi Turkiyaga ko‘chib kelishi sharti bilan rozi bo‘ldi.
Hande Erchel
Latofatli aktrisa Hande Erchel ijtimoiy tarmoqlarda ot mingan suratlari bilan bo‘lishdi.
-g56W2dQn.png)
Aktrisa jurnalistlarning turmush qurish haqidagi savollariga quyidagicha javob berdi:
“Agar turmush qurishga qaror qilsam, bu haqda, albatta, xabar beraman.”
Izoh (0)