Xorazm viloyati Urganch tumanida elektr energiyasidan noqonuniy foydalangan avtomobillarga yonilg‘i quyish shoxobchasi aniqlandi.
Xabarga ko‘ra, holat Bosh prokuratura huzuridagi departamentning Urganch tuman bo‘limi tomonidan ETK xodimlari bilan hamkorlikda o‘tkazilgan tergovga qadar tekshiruvda aniqlangan. Tumanda faoliyat yurituvchi “J.T.O.” xususiy korxonasi mas’ul shaxslari avtomobillarga yonilg‘i quyish shoxobchasiga o‘rnatilgan 1 dona elektr quvvatlash uskunasini tijorat maqsadida elektr tarmog‘iga o‘zboshimchalik bilan ulab, jami 220,3 million so‘mlik elektr energiyasidan noqonuniy foydalangani aniqlangan.
Mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)