Namangan viloyati Uychi tumanida elektrdan noqonuniy foydalangan fermer xo‘jaligi rahbari davlatga 200 million so‘m zarar yetkazgani haqida xabar berildi.
Holat Bosh prokuratura huzuridagi departamentning Uychi tuman bo‘lim tomonidan “O‘zenergoinspeksiya” viloyat boshqarmasi xodimalari bilan hamkorlikda o‘tkazilgan tergovga qadar tekshiruvda aniqlangan. “J.B.” fermer xo‘jaligi rahbari G‘.S. “Jiydakapa” MFY hududida joylashgan ishlab chiqarish sexini hech qanday hujjatsiz tijorat maqsadida umumiy foydalanishdagi elektr tarmog‘iga o‘g‘rilik yo‘li bilan ulab, jami 200,3 million so‘mlik elektr energiyasidan noqonuniy foydalangan.
Mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)