Malayziya bosh vaziri Anvar Ibrohim 17-may kuni rasmiy tashrif bilan O‘zbekistonga keldi.
Uni Toshkent xalqaro aeroportida bosh vazir Abdulla Aripov va boshqa rasmiylar kutib oldi. Bosh vazir matbuot kotibining xabar qilishicha, qisqa suhbatdan so‘ng ular tashrif dasturi bo‘yicha navbatdagi manzilga jo‘nab ketdi.
Malayziya bosh vaziri Anvar Ibrohim Shavkat Mirziyoyev taklifiga binoan 19-maygacha rasmiy tashrif bilan O‘zbekistonda bo‘ladi. Tashrifning birinchi kunida Toshkent shahrida oliy darajadagi tadbirlar va muzokaralar o‘tkazilishi rejalashtirilgan.
Sammit kun tartibidan tizimli siyosiy muloqotni rivojlantirish va madaniy-gumanitar almashinuvni kengaytirish, savdo, innovatsiyalar, energetika, neft-kimyo, sanoat, elektrotexnika va elektronika, qishloq xo‘jaligi va iqtisodiyotning boshqa sohalarida aniq kooperatsiya dasturlari va loyihalarini ilgari surish masalalari o‘rin olgan.
Bundan tashqari, xalqaro kun tartibidagi dolzarb masalalar yuzasidan fikr almashiladi.
Malayziya hukumati rahbari Samarqand va Buxoro shaharlariga ham tashrif buyurib, o‘zbek xalqining boy madaniy-tarixiy va maʼnaviy merosi bilan tanishadi, qo‘shma biznes forumida ishtirok etadi.
Izoh (0)