Mo‘g‘ulistondan “Old Trafford”gacha velosipedda. “Manchester Yunayed” muxlisi deyarli 10 ming kilometr masofa bosib, sevimli klubi bazasida bo‘ldi (video)

Angliya Premyer Ligasi rasmiy sayti Mo‘g‘ulistondan Manchestergacha velosipedda safar qilgan yigit haqida ko‘rsatuv tayyorladi.

Yigit sevimli jamoasining stadioni “Old Trafford”da bo‘lish va kumiri Ueyn Runi bilan uchrashish sharafiga muyassar bo‘lgan. 

“Qadrli, “Manchester Yunayted”. Mening ismim Ochirvaani, lekin do‘stlarim meni Ochirvoo deb chaqiradi. Men Mo‘g‘ulistondan Manchesterga, “Old Trafford”ga qarab yo‘lga chiqdim. Chunki “Manchester Yunayted”ni yaxshi ko‘raman. Ueyn Runi har doim mening qahramonim bo‘lgan”, — deb yozadi muxlis o‘z xatida.

Mankunianliklar muxlisi deyarli 10 ming kilometr masofani velosipedda bosib o‘tgan. Sayohat yakuniga yetgach, klub tomonidan u iliq kutib olingan. O‘zining sevimli futbolchisi Ueyn Runi bilan ko‘rishishga muvaffaq bo‘lgan.