Kilian Mbappe mavsum yakunlangach “PSJ”ni tark etishini ma’lum qildi.
Parijliklar hujumchisi ijtimoiy tarmoqlar orqali ketayotganini e’lon qildi. Mbappe yangi jamoasi nomini aytmadi.
“Har doim vaqti kelganda gapirishimni aytganman. Barcha bu “PSJ”dagi so‘nggi mavsumim ekanligini ma’lum qilmoqchiman.
Shartnomani uzaytirmoqchi emasman va o‘z sayohatimni bir necha haftadan so‘ng yakunlayman. Yakshanba kuni “Park de Prens”dagi oxirgi o‘yinimni o‘tkazaman.
Eslashga arzigulik juda ko‘p xotiralar mavjud”, — aytib o‘tdi Kilian.
Yakshanba kuni “PSJ” joriy mavsumdagi so‘nggi uy o‘yinini “Tuluza”ga qarshi o‘tkazadi. Ushbu o‘yinda muxlislar Mbappe sharafiga performans tayyorlamoqchi.
Avvalroq Mbappe “Real”ga o‘tishi xabar qilingan edi.
Kilian 2017-yildan buyon “PSJ” sharafini himoya qilib kelmoqda. 7 mavsum davomida futbolchi 255 ta gol bilan klub tarixida eng yaxshi to‘purarga aylandi.
Jamoa bilan birgalikda 6 marta Fransiya chempionligini, 3 marta Fransiya Kubogini, 3 marta Fransiya Superkubogini, 2 marta Liga Kubogini qo‘lga kiritdi.
Izoh (0)