Kiyevga 14-may kuni tashrif buyurgan AQSH davlat kotibi Entoni Blinken Ukrainada prezidentlik saylovlarini o‘tkazish sharti haqida gapirdi.
Blinkenning ta’kidlashicha, Ukrainada yangi saylovlar mamlakat aholisining xohish-irodasidan kelib chiqib amalga oshiriladi.
Shuning uchun biz hukumat va fuqarolik jamiyati guruhlari bilan Ukrainaning saylov infratuzilmasini mustahkamlash ustida ishlamoqdamiz. Ukrainaliklar shartlarni ma’qullasa, barcha Ukraina fuqarolari, shu jumladan, ko‘chirilganlar ham ovoz berish huquqidan foydalanishi mumkin bo‘ladi, — dedi u Kiyev politexnika institutida so‘zlagan nutqida.
AQSH davlat kotibi shartlar deganda aynan nimani nazarda tutayotganiga oydinlik kiritilmagan. Ukrainada urush paytida o‘tkazib bo‘lmaydigan parlament va prezidentlik saylovlari tufayli hokimiyatning qonuniyligi masalasi faol muhokama qilinmoqda.
2023-yil avgust oyida Vladimir Zelenskiy agar urush davrida saylovlar o‘tkazilsa, yangi prezidentlik muddatiga o‘z nomzodini qo‘yishga tayyorligini aytgan. Oktyabr oyida Ukrainada amaldagi harbiy holat tufayli Oliy Radaga saylovlar o‘tkazilmagan. Noyabr oyi boshida esa Zelenskiy “hozir saylov vaqti emas”ligini ta’kidlagan.
9-may kuni Zelenskiy Ukrainada harbiy holat va safarbarlikni yana 90 kunga uzaytiruvchi qonunlarni imzoladi. Ukrainada harbiy holat va safarbarlik 2022-yil 24-fevralda joriy etilgan. Mamlakatda prezidentlik saylovi 2024-yil mart oyida o‘tkazilishi rejalashtirilgan edi.
Izoh (0)