12-may kuni Shimoliy Makedoniyaning birinchi ayol prezidenti sifatida qasamyod qilgan Gordana Siljanovska-Davkova qo‘shni Gretsiya bilan diplomatik mojaroga sabab bo‘ldi. Bu haqda Associated Press xabar berdi.
Mamlakat parlamentida o‘tkazilgan marosimda Siljanovska-Davkova o‘z mamlakatining konstitutsiyaviy nomini Shimoliy Makedoniya emas, Makedoniya deb atadi. Yangi saylangan prezident nutqining asosiy qismini ayollar va ularning jamiyatdagi roliga bag‘ishlab, mamlakatni “feminizatsiyalash” va “yevropalashtirish”ga va’da berdi.
“Biz ayollar yordamida siz, erkak siyosatchilar, ham o‘zgaradi va Makedoniya munosib yashash joyiga aylanadi”, — dedi u.
Bu Gretsiya elchisi Sofiya Filippidani inauguratsiya marosimini tark etishga majbur qildi.
Keyinroq Gretsiya Tashqi ishlar vazirligi yangi prezidentning xatti-harakatlari ikki davlat o‘rtasidagi kelishuvni buzgani va ikki tomonlama munosabatlarga ham, Shimoliy Makedoniyaning Yevropa Ittifoqiga qo‘shilish istiqbollariga ham xavf tug‘dirayotgani haqida bayonot berdi.
Gretsiya shimoldagi qo‘shni davlat Makedoniya nomini qo‘llashiga keskin qarshi, chunki Gretsiya bu yunon merosining bir qismi ekani va qadimgi Yunoniston Makedoniya qirolligiga ishora qilishini ta’kidlagan.
Tomonlar o‘rtasidagi qarama-qarshilik 10 yil davom etgan, ammo 2018-yilda ular kelishuvga erishgan va mamlakat yangi konstitutsiyaviy Shimoliy Makedoniya nomini olgan. Shundan so‘ng Gretsiya Shimoliy Makedoniyaning NATO va Yevropa Ittifoqiga a’zo bo‘lish uchun ariza berishiga e’tirozlarini qaytarib olgandi.
Izoh (0)