Amerikaning Isroilga qurollar yetkazib berishni to‘xtatishi Vashington bu davlatni “taqdir hukmiga tashlab qo‘yganini anglatmaydi”. Bu haqda Oq uyning milliy xavfsizlik bo‘yicha maslahatchisi Jeyk Sallivan ma’lum qildi, deya xabar bermoqda The Hill.
Sallivanning so‘zlariga ko‘ra, AQSH va Isroil o‘rtasidagi taranglik G‘azo janubidagi Rafah shahrida o‘tkazilgan maxsus harbiy operatsiya tufayli yuzaga kelgan.
“Birinchidan, chunki u yerda bir million odam juda tor turar joylarda, harbiy harakatlar tufayli qolmoqda. Garchi Isroil bu holatda HAMAS a’zolarining ma’lum sonini yo‘q qilishi mumkin bo‘lsa-da, tinch aholi orasida sezilarli yo‘qotishlar xavfi mavjud”, — deydi Sallivan.
Uning qayd etishicha, Bayden bunday operatsiyada Amerika qurollaridan foydalanilishini istamaydi.
“Ammo bu uning Isroilni tashlab qo‘yishi yoki uni qurol-yarog‘ yetkazib berishdan uzib qo‘yishini anglatmaydi. Gap, uning fikricha, HAMASni mag‘lub etmaydigan, jiddiy zarar keltirib chiqaruvcha ma’lum operatsiya haqida ketmoqda”, — dedi Oq uyning milliy xavfsizlik bo‘yicha maslahatchisi.
U AQSH prezidenti Isroil tarafdori bo‘lib qolishi, HAMASga qarshi kurashish uchun mamlakatga juda ko‘p miqdorda qurol-yarog‘ yetkazib berganini ta’kidladi.
“Prezident Isroilga o‘zini himoya qilish uchun zarur bo‘lgan narsalarni yetkazib berishda davom etishini aniq tushuntirdi. Nuqta”, — deya xulosa qildi Sallivan.
Izoh (0)