Rossiya tashqi ishlar vaziri v.b. Sergey Lavrov agar G‘arb davlatlari Ukraina inqirozini jang maydonida hal qilmoqchi bo‘lsa, Moskva bunga tayyorligini ma’lum qildi, deya “RIA Novosti” xabar berdi.
Bu ularning huquqi, agar ular kurash jang maydonida bo‘lishini xohlasa, jang maydonida bo‘ladi, — dedi rossiyalik diplomat.
Lavrovning taʼkidlashicha, Ukraina bo‘yicha Shveysariyada iyun oyida bo‘lib o‘tadigan va Rossiya taklif qilinmagan konferensiya faqat Moskvaga ultimatum qo‘yish bilan yakunlanadi.
Shu bilan birga, u konferensiyani “maktab o‘quvchisiga tanbeh” bilan taqqoslagan.
Bilasizmi, o‘qituvchilar kengashi yomon o‘quvchini ovozga qo‘yishadi, hamma narsani o‘zaro hal qilishadi, keyin o‘quvchini chaqirib, hukmni e’lon qilishadi. Bu tarzda hech kim bilan gaplashib bo‘lmaydi, ayniqsa, biz bilan, — deya qo‘shimcha qilgan Lavrov.
Kreml Kiyev rasmiylari bilan muzokaralarni hech qachon rad etmaganini bir necha bor ta’kidlagan. Putin Rossiya muloqotga tayyorligini, lekin u haqiqatga asoslanishi kerakligini aytgan.
Bundan tashqari, davlat rahbari agar Ukraina muzokaralarni boshlamoqchi bo‘lsa, uning rahbariyati ularni taqiqlovchi farmonni bekor qilishi kerakligiga ishora qilgan.
Izoh (0)