Килиан Мбаппе мавсум якунлангач “ПСЖ”ни тарк этишини маълум қилди.
Парижликлар ҳужумчиси ижтимоий тармоқлар орқали кетаётганини эълон қилди. Мбаппе янги жамоаси номини айтмади.
“Ҳар доим вақти келганда гапиришимни айтганман. Барча бу “ПСЖ”даги сўнгги мавсумим эканлигини маълум қилмоқчиман.
Шартномани узайтирмоқчи эмасман ва ўз саёҳатимни бир неча ҳафтадан сўнг якунлайман. Якшанба куни “Парк де Пренс”даги охирги ўйинимни ўтказаман.
Эслашга арзигулик жуда кўп хотиралар мавжуд”, — айтиб ўтди Килиан.
Якшанба куни “ПСЖ” жорий мавсумдаги сўнгги уй ўйинини “Тулуза”га қарши ўтказади. Ушбу ўйинда мухлислар Мбаппе шарафига перформанс тайёрламоқчи.
Аввалроқ Мбаппе “Реал”га ўтиши хабар қилинган эди.
Килиан 2017 йилдан буён “ПСЖ” шарафини ҳимоя қилиб келмоқда. 7 мавсум давомида футболчи 255 та гол билан клуб тарихида энг яхши тўпурарга айланди.
Жамоа билан биргаликда 6 марта Франция чемпионлигини, 3 марта Франция Кубогини, 3 марта Франция Суперкубогини, 2 марта Лига Кубогини қўлга киритди.
Изоҳ (0)