“Aston Villa” bosh murabbiyi Unai Emeri Konferensiya Ligasi finaliga chiqa olmagani haqida fikr bildirdi. Angliya klubi yarim finalda “Olimpiakos”ga imkoniyatni boy berdi (2:4, 0:2).
“Biz o‘tgan mavsum oxirida Yevropa musobaqalarida qatnashish huquqini qo‘lga kiritdik va bu yil biz bundan zavq oldik, ammo g‘alaba qozonish juda qiyin va biz rivojlanish jarayonidamiz. “Olimpiakos” finalga chiqishga haqli edi. Biz o‘z uyimizda dastlabki 90 daqiqada mag‘lub bo‘ldik va yetarlicha qarshilik ko‘rsata olmadik. Jamoa birinchi bo‘limni yaxshi boshladi, o‘yinni nazorat qildi, ammo futbolchilar aniq harakat qila olmadi.
Biz Yevropa musobaqalarida uzoq vaqt ishtirok etmagandik va bu bizga tajriba bo‘ldi. Kelasi yili yana qit’a musobaqalarida qatnashmoqchimiz. Albatta, biroz hafsalamiz pir bo‘ldi, lekin biz yanada ko‘proq harakat qilishimiz kerak”, — deya Emeri so‘zlarini keltirmoqda BBC.
Izoh (0)