Nodirbek Abdusattorov sovrin jamg‘armasi 175 000 AQSH dollarini tashkil etuvchi turnirda ishtirok etadi

Polsha poytaxti Varshava shahrida bo‘lib o‘tadigan Superbet Poland 2024 turnirida o‘zbekistonlik grossmeyster Nodirbek Abdusattorov ishtirok etadi.

7—12-may kunlari bo‘lib o‘tadigan Superbet Polsha 2024 turnirining sovrin jamg‘armasi 175 ming dollarni tashkil etadi. G‘olib 40 ming dollarni qo‘lga kiritadi. O‘zbekistonlik shaxmatchi Nodirbek Abdusattorov 8-may kuni o‘zining birinchi o‘yinini o‘tkazadi. 

Turnirda quyidagi shaxmatchilar ishtirok etadi:

• Magnus Karlsen (Norvegiya, rapid 2828/blits 2886);
• Vey Yi (Xitoy, 2758/2684);
• Yan-Kriztof Duda (Polsha, 2748/2766);
• Nodirbek Abdusattorov (O‘zbekiston 2733/2661);
• Rameshbabu Pragnanandha (Hindiston, 2704/2675);
• Anish Giri (Niderlandiya, 2687/2715);
• Arjun Erigaisi (Hindiston, 2671/2744);
• Dommaraju Gukesh (Hindiston, 2649/2651);
• Vinsent Keymar (Germaniya, 2642/ 2610);
• Kirill Shevchenko (Ruminiya, 2642/2546).

Eslatib o‘tamiz, avvalroq Nodirbek Abdusattorov Shvetsiyada bo‘lib o‘tgan Tepe Sigeman-2024 musobaqasida chempion bo‘lgan edi. 19 yoshli o‘zbekistonlik shaxmatchi asosiy bosqichda 4,5 ochko jamg‘arib, rossiyalik Peter Svidler va hindistonlik Arjun Erigaisini tay-breykda mag‘lub etgan.