Janluijji Donnarumma mavsum oxirida yangi shartnomani muhokama qiladi

Darvozabon Janluijji Donnarumma “PSJ” bilan yangi shartnoma imzolashi mumkin, deb xabar bermoqda jurnalist Janluka Di Marsio.

Manbaga ko‘ra, 2023—2024-yilgi mavsum yakunida futbolchi va klub kelgusidagi hamkorlik shartlarini muhokama qiladi. Ta’kidlanishicha, italiyalik futbolchi “PSJ” sardori bo‘lish niyatida.

Donnarumma 2021-yilning iyulida erkin agent sifatida “Milan”dan “PSJ”ga o‘tgan. Futbolchining klub bilan shartnomasi 2026-yilning yoziga qadar mo‘ljallangan. Transfermarkt 25 yoshli darvozabonni 40 million yevroga baholamoqda.

Joriy mavsumda u 40 ta o‘yin o‘tkazdi, shulardan 16 tasida darvozasi daxlsizligini saqlab qoldi, qolgan o‘yinlarda esa 36 ta gol o‘tkazib yubordi.
Klub bilan birgalikda Donnarumma uch bora Fransiya chempionligi va ikki marta Fransiya Superkubogini qo‘lga kiritdi.