Toshkent shahar Yashnobod tumanidagi ko‘chalardan biri bir oy muddatga yopildi. Bu haqda tuman hokimligi matbuot xizmati xabar berdi.
Qayd etilishicha, Yashnobod tumanida oqova suv tizimini yaxshilash borasida taʼmirlash ishlari olib borilmoqda. Shu sababli 30-aprel sanasidan taxminan bir oy muddatga “Katta Olmos” ko‘chasidan “Ilg‘or” shohko‘chasiga olib chiquvchi yo‘l qisman yopilgan.
Transport vositalari harakati xaritada ko‘rsatilgan aylanma yo‘li orqali amalga oshiriladi.
Aholimizdan keltirilgan noqulayliklar uchun uzr so‘raymiz, — deyiladi xabarda.
2023-yil avgust oxirlarida Toshkent shahar Mirobod tumanidagi Yakub Kolas ko‘chasining bir qismi avtomobillar harakati uchun vaqtincha yopilgani to‘g‘risida xabar berilgandi. Iyul oyida bo‘lsa Toshkent shahar hokimining farmoyishi bilan Keles yo‘li ko‘chasi vaqtincha yopilgan edi.
Izoh (0)