Toshkent shahrida O‘zbekistonda veyp va qizdiriladigan tamaki mahsulotlari aylanishini taqiqlovchi qonun loyihasi muhokamasiga bag‘ishlangan matbuot anjumani bo‘lib o‘tdi.
Unda so‘z olganlarning taʼkidlashicha, mamlakat Sog‘liqni saqlash vazirligi tomonidan 2024-yilning aprel oyida bir qator tamaki va nikotin mahsulotlari, elektron sigaretalar muomalasini taqiqlovchi, shuningdek, bu sohada javobgarlik joriy etishni nazarda tutuvchi qonun loyihasi muhokama uchun eʼlon qilgan.
Tadbirda so‘z olganlarning bildirishicha, ushbu qonun qabul qilinsada, mamlakatda chekuvchilar sonini kamaytirishga yordam bermaydi.
“Tamakisoz” uyushmasi vakilining bildirishicha, elektron sigaretalar juda qimmat mahsulot bo‘lib, voyaga yetmaganlar yoki chekka hududlarda yashovchilar qimmatligi tufayli ularni sotib ololmaydi.
BAT kompaniyalar guruhining Osiyo-Tinch okeani, Yaqin Sharq va Afrika subregioni bo‘yicha yuridik va korporativ ishlar departamenti direktori Mona Iskandaranining fikricha, ayni damda zararni kamaytirish konsepsiyasi haqida noto‘g‘ri maʼlumotlar ko‘p.
“Biz ayrim zararli mahsulotlar xavfini kamaytiradigan qonunchilikni ishlab chiqishga yordam berdik. Bunday mahsulotlarni tartibga solgan mamlakatlardan AQSH, Shvetsiya, Buyuk Britaniya kabi mamlakatlarni tilga olishimiz mumkin. Ular mamlakatda chekish darajasini pasaytirishga erishdi. Masalan, chekishning muqobil shakllari sog‘liqni saqlash dasturiga kiritilgani tufayli Shvetsiya Yevropadagi eng past chekish darajasiga erishish arafasida turibdi. Faqatgina tartibga solinadigan hujjatlar bilangina mamlakat chekishdan holi bo‘lishi mumkin”, — deydi Mona Iskandarani.
Mutaxassisning taʼkidlashicha, Hindiston, Avstraliya va Turkiya muqobil mahsulotlarga taqiq qo‘ygan davlatlarlar hisoblanadi. Bu taqiq noqonuniy bozor ko‘payishi, voyaga yetmaganlarning mahsulotni sotib olish imkoniyatining kengayishiga olib keldi.
UZBAT direktori o‘rinbosari Sergey Krasovskiy voyaga yetmaganlar chekish mahsulotlaridan foydalanish imkoniga ega bo‘lmasligi kerakligini tasdiqladi. Biroq, uning fikricha, taqiqlar muammoni hal qilmaydi, aksincha, vaziyatni yanada yomonlashtiradi.
“Cheklash, taqiqlash orqali maqsadlarga erishilmaydi, aksincha, bozorda sifatsiz, nazoratsiz mahsulot paydo bo‘lishiga olib keladi, uni o‘smirlar va voyaga yetmaganlar ko‘p miqdorda isteʼmol qila boshlaydi. UZBAT kompaniyalar guruhi davlat tomonidan tartibga solishni kuchaytirishni taklif qilmoqda”, – deydi Krasovskiy.
Mutaxassislar tarkibida nikotin bo‘lgan moddalarni 21 yoshgacha bo‘lgan shaxslarga sotganlik uchun maʼmuriy javobgarlikni kuchaytirishni, mahsulotlarni sifat standartlari bo‘yicha texnik jihatdan tartibga solishni jadallashtirishni, import va chakana savdo uchun litsenziyani joriy etishni, ishlatilgan veyping mahsulotlari hamda tamaki qizdirish moslamalarini utilizatsiya qilish majburiyatini joriy etishni taklif qilmoqda.
Tadbirda bir nechta mustaqil ekspertlar chekishning muqobil turlarini taqiqlash to‘g‘risidagi qonun loyihasining kuchga kirishi aholi salomatligiga salbiy taʼsir ko‘rsatishi, sifatsiz mahsulotlarning tartibsiz taqsimlanishiga, chekuvchilar sonining ko‘payishiga va qonuniy chakana savdoda ish o‘rinlarining yo‘qolishiga olib kelishini taʼkidladi.
Uztobacco-Butcoin tarmog‘i asoschisi Armen Sahakyan veyp va boshqa nikotin o‘z ichiga olgan mahsulotlarni taqiqlash ushbu sohani tartibga sola olmasligini taʼkidladi.
“O‘z navbatida, mahsulotlar voyaga yetmaganlar qo‘liga tushmasligi uchun hamma narsani qildik. Sog‘liqni saqlash vazirligi 2024-yil 24-may oyida kuchga kiradigan hujjatda snyusni to‘liq taqiqlashni belgilab qo‘ydi. Taqiqlar qora bozor rivojlanishiga olib keladi, bularning barchasi onlayn bo‘ladi. Ijtimoiy masʼuliyatimiz juda yuqori, chunki bu yerda davlat, oila instituti va ichki tarbiya ham bor. Taqiq ushbu jarayonni tartibga solmasdan joriy etilmoqda”, dedi u.
Sheriklik huquqi asosida.
Izoh (0)