Тошкент шаҳрида Ўзбекистонда вейп ва қиздириладиган тамаки маҳсулотлари айланишини тақиқловчи қонун лойиҳаси муҳокамасига бағишланган матбуот анжумани бўлиб ўтди.
Унда сўз олганларнинг таъкидлашича, мамлакат Соғлиқни сақлаш вазирлиги томонидан 2024 йилнинг апрель ойида бир қатор тамаки ва никотин маҳсулотлари, электрон сигареталар муомаласини тақиқловчи, шунингдек, бу соҳада жавобгарлик жорий этишни назарда тутувчи қонун лойиҳаси муҳокама учун эълон қилган.
Тадбирда сўз олганларнинг билдиришича, ушбу қонун қабул қилинсада, мамлакатда чекувчилар сонини камайтиришга ёрдам бермайди.
“Тамакисоз” уюшмаси вакилининг билдиришича, электрон сигареталар жуда қиммат маҳсулот бўлиб, вояга етмаганлар ёки чекка ҳудудларда яшовчилар қимматлиги туфайли уларни сотиб ололмайди.
BAT компаниялар гуруҳининг Осиё-Тинч океани, Яқин Шарқ ва Африка субрегиони бўйича юридик ва корпоратив ишлар департаменти директори Мона Искандаранининг фикрича, айни дамда зарарни камайтириш концепцияси ҳақида нотўғри маълумотлар кўп.
“Биз айрим зарарли маҳсулотлар хавфини камайтирадиган қонунчиликни ишлаб чиқишга ёрдам бердик. Бундай маҳсулотларни тартибга солган мамлакатлардан АҚШ, Швеция, Буюк Британия каби мамлакатларни тилга олишимиз мумкин. Улар мамлакатда чекиш даражасини пасайтиришга эришди. Масалан, чекишнинг муқобил шакллари соғлиқни сақлаш дастурига киритилгани туфайли Швеция Европадаги энг паст чекиш даражасига эришиш арафасида турибди. Фақатгина тартибга солинадиган ҳужжатлар билангина мамлакат чекишдан ҳоли бўлиши мумкин”, — дейди Мона Искандарани.
Мутахассиснинг таъкидлашича, Ҳиндистон, Австралия ва Туркия муқобил маҳсулотларга тақиқ қўйган давлатларлар ҳисобланади. Бу тақиқ ноқонуний бозор кўпайиши, вояга етмаганларнинг маҳсулотни сотиб олиш имкониятининг кенгайишига олиб келди.
УЗBAT директори ўринбосари Сергей Красовский вояга етмаганлар чекиш маҳсулотларидан фойдаланиш имконига эга бўлмаслиги кераклигини тасдиқлади. Бироқ, унинг фикрича, тақиқлар муаммони ҳал қилмайди, аксинча, вазиятни янада ёмонлаштиради.
“Чеклаш, тақиқлаш орқали мақсадларга эришилмайди, аксинча, бозорда сифатсиз, назоратсиз маҳсулот пайдо бўлишига олиб келади, уни ўсмирлар ва вояга етмаганлар кўп миқдорда истеъмол қила бошлайди. УЗBAT компаниялар гуруҳи давлат томонидан тартибга солишни кучайтиришни таклиф қилмоқда”, – дейди Красовский.
Мутахассислар таркибида никотин бўлган моддаларни 21 ёшгача бўлган шахсларга сотганлик учун маъмурий жавобгарликни кучайтиришни, маҳсулотларни сифат стандартлари бўйича техник жиҳатдан тартибга солишни жадаллаштиришни, импорт ва чакана савдо учун лицензияни жорий этишни, ишлатилган вейпинг маҳсулотлари ҳамда тамаки қиздириш мосламаларини утилизация қилиш мажбуриятини жорий этишни таклиф қилмоқда.
Тадбирда бир нечта мустақил экспертлар чекишнинг муқобил турларини тақиқлаш тўғрисидаги қонун лойиҳасининг кучга кириши аҳоли саломатлигига салбий таъсир кўрсатиши, сифатсиз маҳсулотларнинг тартибсиз тақсимланишига, чекувчилар сонининг кўпайишига ва қонуний чакана савдода иш ўринларининг йўқолишига олиб келишини таъкидлади.
Узтобаccо-Butcoin тармоғи асосчиси Армен Саҳакян вейп ва бошқа никотин ўз ичига олган маҳсулотларни тақиқлаш ушбу соҳани тартибга сола олмаслигини таъкидлади.
“Ўз навбатида, маҳсулотлар вояга етмаганлар қўлига тушмаслиги учун ҳамма нарсани қилдик. Соғлиқни сақлаш вазирлиги 2024 йил 24 май ойида кучга кирадиган ҳужжатда снюсни тўлиқ тақиқлашни белгилаб қўйди. Тақиқлар қора бозор ривожланишига олиб келади, буларнинг барчаси онлайн бўлади. Ижтимоий масъулиятимиз жуда юқори, чунки бу ерда давлат, оила институти ва ички тарбия ҳам бор. Тақиқ ушбу жараённи тартибга солмасдан жорий этилмоқда”, деди у.
Шериклик ҳуқуқи асосида.
Изоҳ (0)