2024-yilning eng yaxshi va qiziqarli mini-seriallarini bir o‘tirishda, kiprik qoqmay tomosha qilib qo‘yishingiz, shubhasiz.
“Rejim”, 6 qism
Filmda Keyt Uinslet kobalt moddasini qazib olishda gullab-yashnagan xayoliy Sharqiy Yevropa davlatining zolim kansleri rolini o‘ynaydi. Qahramon o‘z hokimiyatini muvaffaqiyatli saqlab qoladi va birgina noto‘g‘ri qaror uning obro‘siga tahdid sola boshlamaguncha, unga qarshi chiqqanlarga shafqatsiz munosabatda bo‘ladi. Aytgancha, Uinslet “A” ro‘yxatidagi yagona yulduz emas: uning asosiy siyosiy raqibi roli Xyu Grant chekiga tushgan.
“Uch tana muammosi”, 8 qism
Bu bahorda “Taxtlar o‘yini” ijodkorlari Devid Benioff va D.B.Vays sakkiz fasl o‘rniga atigi sakkizta epizodni suratga olgan bo‘lsa-da, yangi loyiha bilan qaytishdi. Bu safar ular Lyu Sixinning “Uch tana muammosi” ilmiy-fantastik romanini ekranlashtirdi. Film voqealari zamonaviy Xitoyda bo‘lib o‘tadi, bu yerda bir qancha olimlar insoniyatning ilmiy taraqqiyotini sekinlashtirishga urinayotgan o‘zga sayyoraliklar bilan aloqa o‘rnatishga muvaffaq bo‘ladi. Bosh rollarda Eiza Gonsales, Benedikt Vong va “Taxtlar o‘yini” orqali muxlislarga tanish bo‘lgan Liam Kanningem va Jon Bredli.
“Ripli”, 8 qism
Mett Deymon ishtirokidagi mashhur “Iste’dodli janob Ripli” filmi bu yil o‘zining 25 yilligini nishonlaydi. Yubiley munosabati bilan Netflix Patrisiya Haysmit romanining mashhur kino adaptatsiyasini mini-serial formatida qayta ishlashga qaror qildi. Tom Ripli roliga Endryu Skott tasdiqlandi, unga Jonni Flinn va Dakota Fenning partnyorlik qiladi. Italiya janubida bo‘lib o‘tadigan to‘liq metrajli filmdan farqli o‘laroq, serial juda qayg‘uli sahnalarga boy bo‘ldi. Ammo ko‘plab tanqidchilar loyihani barcha davrlarning kult hikoyasining eng yaxshi film moslashuvi deb e’lon qilishdi.
“Bola borliqni yutmoqda” 7 qism
12 yoshli Ilay og‘ir oilada yashaydi: otasi giyohvand moddalar sotadi, onasi ularni iste’mol qiladi. U va ukasiga esa Gudini laqabli sobiq mahbus g‘amxo‘rlik qiladi. Shunga qaramay Ilay oddiy o‘smir kabi yashashga harakat qiladi: u maktabga boradi, do‘stlari bilan ko‘p vaqt o‘tkazadi va sayrga chiqadi, lekin hayot uni tobora ko‘proq yangi qiyinchiliklarga tashlashda davom etmoqda. Serial syujeti jurnalist Trend Daltonning shu nomdagi yarim avtobiografik romaniga asoslangan.
“Bir kun” 14 qism
Mini-serial Devid Nikolsning shu nomdagi romani asosida yaratilgan. Bosh qahramonlar — Emma va Dexter bitiruv kechasida tanishadi, tunni birga o‘tkazadi va keyin o‘zlari kutganidek, abadiy ajrashadi. Biroq har yili aynan birinchi uchrashuv bo‘lgan kuni taqdir ularni qayta-qayta yuzlashtiradi. Qahramonlar ulg‘ayadi, muqarrar ravishda o‘zgaradi va har safar ular uchrashganda, butunlay boshqa odamlarga aylanadi. Ammo shunga qaramay, ularning o‘zaro hissiyotlari yildan yilga kuchayadi.
Izoh (0)