2024 йилнинг энг яхши ва қизиқарли мини-сериалларини бир ўтиришда, киприк қоқмай томоша қилиб қўйишингиз, шубҳасиз.
“Режим”, 6 қисм
Фильмда Кейт Уинслет кобальт моддасини қазиб олишда гуллаб-яшнаган хаёлий Шарқий Европа давлатининг золим канцлери ролини ўйнайди. Қаҳрамон ўз ҳокимиятини муваффақиятли сақлаб қолади ва биргина нотўғри қарор унинг обрўсига таҳдид сола бошламагунча, унга қарши чиққанларга шафқатсиз муносабатда бўлади. Айтганча, Уинслет “А” рўйхатидаги ягона юлдуз эмас: унинг асосий сиёсий рақиби роли Хью Грант чекига тушган.
“Уч тана муаммоси”, 8 қисм
Бу баҳорда “Тахтлар ўйини” ижодкорлари Дэвид Бениофф ва Д.Б. Уайс саккиз фасл ўрнига атиги саккизта эпизодни суратга олган бўлса-да, янги лойиҳа билан қайтишди. Бу сафар улар Лью Сихиннинг “Уч тана муаммоси” илмий-фантастик романини экранлаштирди. Фильм воқеалари замонавий Хитойда бўлиб ўтади, бу ерда бир қанча олимлар инсониятнинг илмий тараққиётини секинлаштиришга уринаётган ўзга сайёраликлар билан алоқа ўрнатишга муваффақ бўлади. Бош ролларда Эиза Гонсалес, Бенедикт Вонг ва “Тахтлар ўйини” орқали мухлисларга таниш бўлган Лиам Каннингем ва Жон Брэдли.
“Рипли”, 8 қисм
Мэтт Деймон иштирокидаги машҳур “Истеъдодли жаноб Рипли” фильми бу йил ўзининг 25 йиллигини нишонлайди. Юбилей муносабати билан Netflix Патрисия Ҳайсмит романининг машҳур кино адаптациясини мини-сериал форматида қайта ишлашга қарор қилди. Том Рипли ролига Эндрю Скотт тасдиқланди, унга Жонни Флинн ва Дакота Феннинг партнёрлик қилади. Италия жанубида бўлиб ўтадиган тўлиқ метражли фильмдан фарқли ўлароқ, сериал жуда қайғули саҳналарга бой бўлди. Аммо кўплаб танқидчилар лойиҳани барча даврларнинг култ ҳикоясининг энг яхши фильм мослашуви деб эълон қилишди.
“Бола борлиқни ютмоқда” 7 қисм
12 ёшли Илай оғир оилада яшайди: отаси гиёҳванд моддалар сотади, онаси уларни истеъмол қилади. У ва укасига эса Гудини лақабли собиқ маҳбус ғамхўрлик қилади. Шунга қарамай Илай оддий ўсмир каби яшашга ҳаракат қилади: у мактабга боради, дўстлари билан кўп вақт ўтказади ва сайрга чиқади, лекин ҳаёт уни тобора кўпроқ янги қийинчиликларга ташлашда давом этмоқда. Сериал сюжети журналист Тренд Далтоннинг шу номдаги ярим автобиографик романига асосланган.
“Бир кун” 14 қисм
Мини-сериал Дэвид Никольснинг шу номдаги романи асосида яратилган. Бош қаҳрамонлар — Эмма ва Дехтер битирув кечасида танишади, тунни бирга ўтказади ва кейин ўзлари кутганидек, абадий ажрашади. Бироқ ҳар йили айнан биринчи учрашув бўлган куни тақдир уларни қайта-қайта юзлаштиради. Қаҳрамонлар улғаяди, муқаррар равишда ўзгаради ва ҳар сафар улар учрашганда, бутунлай бошқа одамларга айланади. Аммо шунга қарамай, уларнинг ўзаро ҳиссиётлари йилдан йилга кучаяди.
Изоҳ (0)