Fransiya qamoqxonalaridagi mahbuslar soni 77 ming kishidan oshdi. Bu rekord ko‘rsatkich hisoblanadi. Bu haqda Agence France-Presse (AFP) respublika Adliya vazirligi ma’lumotlariga tayanib xabar berdi.
Agentlik taʼkidlaganidek, 1-aprel holatiga ko‘ra 77 450 kishi qamoqda bo‘lib, bu 2023-yil apreliga nisbatan 4 370 kishiga ko‘pdir. Bu Fransiya tarixidagi eng ko‘p mahbuslar soni.
Ba’zi qamoqxonalar 200 foizga to‘lib ketgan. Bo‘sh joy yo‘qligi sababli poldagi matraslarda uxlashga majbur bo‘lganlar soni ham keskin ko‘paygan.
Avvalroq Inson huquqlari bo‘yicha Yevropa sudi Fransiya qamoqxonalaridagi bunday holatni bir necha bor qoralagan edi. O‘tgan iyul oyida mazkur tashkilot Fransiyada “qamoqxonalarning gavjumligi, turmush sharoiti yomonligi va vaziyatni yaxshilash uchun maqsadli sa’y-harakatlarning yo‘qligi bilan bog‘liq surunkali muammo” borligini aytgandi.
Izoh (0)