Yaman husiylari 30-aprel kuni Qizil dengizda Gretsiyaga qarashli savdo kemasiga hujum qildi. Bu haqda Arab News nashri xabar berdi.
Voqea haqida dastlab Britaniya dengiz agentligi va AQSH harbiy qo‘mondonligi maʼlum qilgan. Keyinroq husiylar harbiy voizi yunon tijorat kemasiga hujumga aloqadorlikni tan olgan.
AQSH Markaziy qo‘mondonligi maʼlum qilishicha, husiylar 30-aprel kuni Malta bayrog‘ini osib yurgan yunon savdo kemasi MV Cyclades’ni uchta ballistik raketa bilan nishonga olgan. Hujum oqibatida kemaga qisman zarar yetgan.
Hujum oqibatida jarohatlanganlar va halok bo‘lganlar haqida maʼlumot yo‘q. Kema hujumdan so‘ng o‘z yo‘nalishida davom etgan.
Avvalroq Buyuk Britaniya dengiz xavfsizligi agentligi Yaman qirg‘oqlari yaqinida suzib ketayotgan tijorat kemasiga yaqin nuqtada portlashlar sodir bo‘lgani haqida xabar bergan edi. Portlash manbasi va talafot hajmi haqida aytilmagan.
So‘nggi haftada Yamandagi “Ansorulloh” harakati Jibuti portidan Jiddaga yo‘nalgan ko‘plab savdo kemalariga raketa otgan. Bunga sabab sifatida ushbu kema operatorlari Isroil bilan savdo qilishi keltirilgan.
Izoh (0)