Daniyada 2024-yil 9-iyunga rejalashtirilgan Danish Air Show bo‘lib o‘tmaydi. Tadbir bekor qilinishining asosiy sababi pulni tejashdir.
Ko‘plab tomoshabinlarni o‘ziga jalb etayotgan tadbirni bekor qilish to‘g‘risida qaror qirollik qurolli kuchlari rahbariyati tomonidan qabul qilingan. Mazkur shou oxirgi marta 2018-yilda o‘tkazilgan va uni tomosha qilish uchun 130 ming kishi yig‘ilgandi.
Maʼlumotlarga ko‘ra, aviashou 2025-yil 15-iyunga ko‘chirilgan.
Umid qilamizki, biz 2025-yilda yetkazib beradigan mahsulot kutishga arziydi. O‘rtaga sha’nimiz tikilganini yodda tutishimiz kerak, — dedi Mudofaa vazirligi matbuot xodimi Morten Valentin.
Daniya havo ko‘rgazmasi qirollikning eng yirik havo kuchlari tadbiri bo‘lib, jangovar va transport samolyotlari hamda vertolyotlarini namoyish etadi. Bu yil uning bekor qilinishi parlament partiyalari keyingi o‘n yil ichida armiyaga 200 milliard kron (28,8 milliard dollar) qo‘shimcha mablag‘ ajratiladigan tarixiy mudofaa bitimini ma‘qullagan paytga to‘g‘ri keldi. Biroq avvalgi bitimga muvofiq, qurolli kuchlar xarajatlarni tejash rejimini amalga oshirishi kerak.
Izoh (0)