Anchelotti CHL yarim finalida “Real”ning “Bavariya” ustidan qozonilgan yirik g‘alabasini esladi

Madridning “Real” klubi bosh murabbiyi Karlo Anchelotti “Bavariya” bilan 2014-yilgi Chempionlar Ligasi yarim final uchrashuvini esladi.

2013—2014-yilgi mavsumda Anchelotti boshchiligidagi “qaymoqranglilar” “Bavariya”ni 4:0 hisobida mag‘lub etgan edi.

“Shubhasiz, bu yaxshi xotira. Ammo ertaga (o‘yin 30 aprel kuni bo‘lib o‘tadi) butunlay boshqacha voqea bo‘ladi. Biz birinchi o‘yinga ishonch bilan kelmoqdamiz, lekin biz juda kuchli futbolchilarga ega yuqori sifatli, mahoratli raqibga qarshi turishimizni tushunamiz.

Biz bu yerda ekanimizdan xursandmiz, chunki, hattoki, bu xonadagilar ham meni yarim finalda ushbu matbuot anjumaniga yetib keladi deb o‘ylamagan edi, lekin men shu yerdaman.  Yarim final 180 daqiqa davom etadi, buni unutmaslik kerak”, — deya Anchelotti so‘zlarini keltiradi AS.

Jamoalar o‘rtasidagi uchrashuv bugun, 30-aprel kuni “Alyans Arena” stadionida  00:00 da boshlanadi.