“Manchester Siti” ning belgiyalik yarim himoyachisi Kevin de Bryuyne Angliya chempionatida bir o‘yinda ikki va undan ortiq golli uzatmani amalga oshirish bo‘yicha eng ko‘p o‘yin o‘tkazish bo‘yicha yangi rekord o‘rnatdi.
-uK4qUgnX.jpg)
APLning 35-turi doirasidagi o‘yinda belgiyalik yarim himoyachi harakat qilayotgan “Manchester Siti” klubi “Nottingem Forest”ni qabul qildi va 2:0 hisobida g‘alaba qozondi. Bu o‘yinda de Bryuyne mavsumdagi 14 hamda 15-uzatmalarni amalga oshirdi.
Belgiyalik futbolchi Angliya chempionati tarixida 18 ta uchrashuvda 2 va undan ortiq golli uzatmani amalga oshirgan birinchi futbolchiga aylandi. Avvalgi rekord Sesk Fabregas va Rayan Giggzga tegishli edi — har ikkisida 17 ta o‘yin.
Kevin de Bryuyne joriy mavsumda barcha turnirlarda 21 ta o‘yinda maydonga tushdi. Uning hisobida 6 ta gol va 15 ta golli uzatma bor.
“Man Siti” Angliya chempionatida 2-o‘rinni egallab turibdi. Birinchi o‘rindagi “Arsenal” “shaharliklar”dan bir ochko oldinda bormoqda. Ular hisobida 80 ochko mavjud. 79 ochko to‘plagan Manchester shahri klubi zaxirasida bir o‘yin mavjud.
Izoh (0)