Анчелотти ЧЛ ярим финалида “Реал”нинг “Бавария” устидан қозонилган йирик ғалабасини эслади

Мадриднинг “Реал” клуби бош мураббийи Карло Анчелотти “Бавария” билан 2014 йилги Чемпионлар Лигаси ярим финал учрашувини эслади.

2013—2014 йилги мавсумда Анчелотти бошчилигидаги “қаймоқранглилар” “Бавария”ни 4:0 ҳисобида мағлуб этган эди.

“Шубҳасиз, бу яхши хотира. Аммо эртага (ўйин 30 апрель куни бўлиб ўтади) бутунлай бошқача воқеа бўлади. Биз биринчи ўйинга ишонч билан келмоқдамиз, лекин биз жуда кучли футболчиларга эга юқори сифатли, маҳоратли рақибга қарши туришимизни тушунамиз.

Биз бу ерда эканимиздан хурсандмиз, чунки, ҳаттоки, бу хонадагилар ҳам мени ярим финалда ушбу матбуот анжуманига етиб келади деб ўйламаган эди, лекин мен шу ердаман.  Ярим финал 180 дақиқа давом этади, буни унутмаслик керак”, — дея Анчелотти сўзларини келтиради АS.

Жамоалар ўртасидаги учрашув бугун, 30 апрель куни “Альянц Арена” стадионида  00:00 да бошланади.