“PSJ”ning fransiyalik hujumchisi Kilian Mbappe professional faoliyatidagi 17-sovrinni qo‘lga kiritdi.
Fransiya chempionatining 31-turida poytaxtning “PSJ” klubi muddatidan avval klub tarixidagi 12-chempionlikni qo‘lga kiritdi. Jamoa Liga 1 da 31 ta o‘yinda 70 ochko to‘plashga erishib, muddatigan oldin bosh sovringa ega chiqdi.
25 yoshli Mbappe faoliyatida yettinchi marta Fransiya chempioni bo‘ldi. Mbappe 2016—2017-yilgi mavsumda “Monako” bilan bir marta, “PSJ” bilan olti marta shohsupaga ko‘tarilgan. Fransiyalik futbolchi, shuningdek, poytaxt klubi tarkibida uch bora Fransiya Kubogi va Superkubogi, ikki marta Fransiya Ligasi kubogini qo‘lga kiritdi.
Fransiya bilan Mbappe 2018-yilgi jahon chempionatida g‘olib chiqdi va jamoaga 2021-yilda Millatlar Ligasi kubogini qo‘lga kiritishda yordam berdi.
Joriy mavsumda hujumchi barcha musobaqalarda 44 ta o‘yin o‘tkazdi. Uning hisobida 43 ta gol va 10 ta golli uzatma bor.
Izoh (0)