“Tong qushi” va “Kurt Seyit va Aleksandra” kabi mashhur teleseriallarda rol o‘ynagan aktrisa Demet O‘zdemir Istanbul shahrida xarid qilgan yangi va shinam uyi rasmlarini muxlislariga havola etdi.
Ikki qavatli villa Istanbulning osoyishta va shovqindan yiroq manzarali qismida joylashgan. Uning atrofida baland va hashamatli saroy kabi xonadonlar yo‘q.
Uy ixcham va ortiqcha dabdabadan holi tarzda qurilgan. Atrofdagi qo‘shni xonadonlar ham hashamatdan yiroq. Xonadon interyeri minimalizm uslubida tuzilgan bo‘lib, Skandinaviya va klassika usulida loyihalashtirilgan.
Interyerda oq, jigarrang, zaytun tusli yashil ranglar uyg‘unlik hosil qilgan. Pol va mebellarning aksariyat qismi tabiiy yog‘ochdan ishlangan. Demetga plastik va sintetik dekoratsiyalardan ko‘ra tabiiy materiallardan ishlangan interyer predmetlari yoqadi.
Eslatib o‘tamiz, Demet O‘zdemir va O‘g‘uzxan Koch 2022-yilning avgust oyida turmush qurgan va Istanbuldagi eng nufuzli mehmonxonada 180 000 dollarlik to‘y marosimi bo‘lib o‘tgan edi. Ammo oradan sakkiz oy o‘tib juftlik ajrashib ketdi. Turk OAV ma’lumot berishicha, sobiq er-xotin bir tumandan uy xarid qilib, deyarli qo‘shnilarga aylangan.
Izoh (0)