Turk aktyor hamda aktrisalari shaxsiy hayotida ro‘y berayotgan yangiliklar, hozirda yulduzlar nimalar bilan band ekani haqida ma’lumotlarni e’tiboringizga havola etamiz.
“Qora niyat” seriali qahramoni Eda Eje to‘rt yillik munosabatlardan so‘ng Bugraxan Tunjerga turmushga chiqqan.
Aktrisa yoz faslining oxirida farzand kutayotgani haqida ijtimoiy tarmoqdagi sahifasida xabar bergan edi.
“Galatasaray” basketbol klubi saytida juftlikning farzandli bo‘lgani haqida e’lon qilindi, tabriknomada shunday deyilgan:
Hurmatli sportchimiz Bugraxan Tunjer va uning sevikli rafiqasi Eda Eje! Bugun dunyoga kelgan qizlari Mina Ipekka mustahkam sog‘lik, uzoq va baxtli umr tilaymiz, Tunjerlar oilasini chin qalbimizdan tabriklaymiz. Galatasaray oilasiga xush kelibsiz, Mina Ipek Tunjer!”
Aktris Eda Eje o‘zining Instagram sahifasida ham ona bo‘lganligi haqida storis qoldirdi:
Sabrsiz qizalog‘im kutilmaganda dunyoga keldi. Farzandimiz hayotimizni baxtga to‘ldirdi. Barcha samimiy tilaklar bildirayotgan va qo‘ng‘iroq qilib ahvolimizdan xabar olayotgan insonlarga o‘z minnatdorligimizni bildiramiz!”
Turk estradasining sevimli yulduzi Jem Adrian sog‘lig‘ida muammolar yuzaga kelganini ijtimoiy tarmoqlarda bildirdi.
Kasallik og‘ir kechayotganiga qaramay, san’atkor konsert dasturlari kunini ko‘chirmasligini aytib o‘tdi:
Yaqinlarim tomonidan qo‘llab-quvvatlangan holda bugun, ertaga va yana bir kun konsertim namoyishi bo‘lib o‘tadi. Agar sahnada qo‘shiqlarni yaxshi ijro eta olmasam, aybga buyurmaslikni so‘rayman. Men qo‘limdan kelgan barcha ishni qilaman”, — deya muxlislarga murojaat qildi.
Omera Adamo‘glu obrazini ijro etgan aktyor Salahattin Pashali ijtimoiy tarmoqlarda rafiqasi Lara Pashalini tavallud ayyomi bilan tabrikladi va bayramni birga nishonlagan kundan esdalik fotosuratlar bilan bo‘lishdi.
Suratlarga aktyor “Tug‘ilgan kuning bilan, onasi”, deya izoh qoldirdi.
Nafaqat Turkiyada, balki boshqa mamlakatlarda ham mashhurlikka erishgan aktrisa Burju Birijik hozirda homiladorlikning beshinchi oyida. U turmush o‘rtog‘i Emre Yetkin, ukasi Birkin Birijik va uning rafiqasi Sumayya bilan Gretsiyaga sayohat uchun yo‘l oldi.
Intervyulardan birida aktrisa oiladagi yangi mehmonga uning turmush o‘rtog‘i qanday munosabatda ekanligi haqidagi savolga shunday javob qildi:
Bu kutilmagan xabar emas edi. Emre qiz farzandli bo‘lishni juda istardi va biz farzandimiz dunyoga kelishini intiqlik bilan kutmoqdamiz.
Aktrisa Fahriye Evjen va uning turmush o‘rtog‘i Burak O‘zchivit oilasi bilan o‘rmonlarni kezayotgan suratlarini bo‘lishdi. Yulduzlar oilasi farzandlari bilan tez-tez sayr va sayohatlarga chiqib turadi.
O‘guzhan Koch va Demet O‘zdemir 2022-yilning avgust oyida turmush qurgan va Istanbuldagi eng nufuzli mehmonxonada 180 000 dollarlik to‘y marosimi bo‘lib o‘tgan edi.
Afsuski, oradan sakkiz oy o‘tib juftlik ajrashib ketdi. Biroq turk OAV ma’lumot berishicha, sobiq er-xotin bir tumandan uy xarid qilib, deyarli qo‘shnilarga aylandi.
Izoh (0)