Turkiyada ko‘pchilik prodyuserlar bosh rollarni ijro etgan aktyorlarning PR bo‘lgan ishqiy munosabatlari orqali tomoshabinlarni o‘z loyihasiga qiziqtirishga harakat qiladi. Masalan, aktyor Kerem Byursin va Hande Erchel bunga yaqqol dalildir.
Filmlarda juftlik rolini o‘ynagan aktyorlar hayotda ham yaqin munosabat o‘rnatganiga muxlislar qiziqish bildirishi shubhasiz. Film loyihasi menejerlari va rejissyorlar esa vaziyatdan o‘z maqsadlari uchun unumli foydalanadi. Quyida PR uchun shov-shuv qo‘zg‘agan mashhur turk juftliklarini ko‘rib chiqamiz.
Aycha Ayshin Turan va Alp Navro‘z
“Oroldagi ertak” serialida bosh rolni o‘ynagan go‘zal juftlikning munosabatlari olov kabi tez yonib, tez o‘chdi. Serial reytingi avvalida past ko‘rsatkichda ekanidan xavotir olgan rejissyor va serial ijodkorlari vaziyatni to‘g‘rilashga PR orqali erishdi: internetda Aycha va Alp muhabbati haqida turli mish-mishlar tarqaldi. Serialga ko‘proq muxlislar jalb qilingandan so‘ng, mazkur juftlik munosabatlari tugagani haqida e’lon qildi — “sevgi o‘yini” shartnomasi yakunlangan edi.
Demet O‘zdemir va Jan Yaman
“Tong qushi” seriali syomkalari jarayonida Demet va Jan o‘rtasida iliqlik paydo bo‘lganiga hech kimning shubhasi yo‘q edi. Mahalliy intervyularning birida Demet “Tong qushi” dagi rol uchun aynan Jandek kuchli xislatlarga ega aktrisa kerakligi va mazkur obraz Janga juda mosligini aytgan edi. 2019-yilda oilaviy marosimda aktyorlar ota-onalari bilan birgalikda tashrif buyurgan fotolari tarqalib ketgandi. Ammo ko‘p o‘tmay muxlislar hafsalasi pir bo‘ldi: serial prokati eng yuqori cho‘qqilarni zabt etgandan so‘ng juftlik ajrashgani ma’lum bo‘ldi.
Darvoqe, PR sevgi bo‘yicha ko‘p bora muxlislarni “aldagan” aktyor Demet O‘zdemir hozirda Italiyada yashaydi.
Hande Erchel va Kerem Byursin
Turk seriallarining ashaddiy ixlosmandlari uchun buni eshitish og‘ir, lekin Hande va Kerem o‘rtasidagi munosabatlarning bari PR ekanligini Keremning o‘zi tan olgan. Albatta, og‘riqli ajrashishdan so‘ng aktyor shunday tarzda o‘zini oqlashga urinmoqda, deb o‘ylash mumkin. Lekin “Eshigimni qoq” serialidan keyin aktyorlar to‘xtovsiz mish-mishlarga duch kelishdan charchagan edi.
E’tiborlisi, aktyorlar ishqiy munosabati haqidagi mish-mishlar serialning ikkinchi fasli chiqishidan avval boshlangan. Tomoshabinlar esa loyiha tugagach juftlik real hayotda turmush qurishiga qattiq ishongan edi. Bunday “romantika” aktyorlarga katta daromad, jahon miqyosida mashhurlik va ko‘plab reklama shartnomalari kabi yangi daromad manbayini keltirdi.
Alp Navro‘z va Sila Turko‘g‘li
“Klyukva sharbati” seriali tufayli aktrisa Sila Turko‘g‘li turk kino sanoatida ko‘pchilik nazariga tushishga muvaffaq bo‘ldi. Uning Alp bilan juda qisqa munosabati PR maqsadida bo‘lganini ko‘pgina manbalar tasdiqladi.
Ushbu yo‘l orqali Alpning Ayche bilan shov-shuvli ajrashganini oqlash va muxlislar e’tiborini yangi aktrisa — Silaga qaratish lozim bo‘lgan. Bu esa serial reytingi o‘sishiga olib kelgan.
Mert Ramazan Demir va Afra Saracho‘g‘li
Mert va Afra ijro etgan “Qo‘rg‘on sirlari” serialida oddiy qizga uylangan Ferit ismli badavlat yigit haqida hikoya qilinadi. Serial birinchi mavsumining reytingi sekin-asta tushib borayotgan bir paytda internetda yosh aktyorlarning real hayotdagi munosabati haqida mish-mishlar tarqala boshladi. Ularning turli ommaviy joylarda birga sayr qilgan rasmlari buni tasdiqlar edi. Serialning keyingi mavsumi chiqishi shubha ostida qolganda juftlik yana OAV e’tiboriga tusha boshladi. Hozirda Mert va Afra munosabatlarini rasman tasdiqlamagan, umid qilamizki, ularning sevgi hikoyasi tugashi haqidagi xabar muxlislarni umidsizlikka tushirib qo‘ymaydi.
Demet O‘zdemir va Yusuf Chim
“Qulupnay hidi” serialida bosh rollarni gavdalantirgan aktyorlar syomka jarayonida bir-biriga ko‘ngil qo‘ygani haqida xabarlar tarqalgan edi. Suratga olish ishlari tugagach, Demet va Yusuf tez orada munosabatlarni uzgani ma’lum bo‘ldi. Ularning PR muhabbati “Qulupnay hidi” seriali yaxshi reytingni saqlab qolishiga yordam berdi.
Izoh (0)