Andijon viloyati Paxtaobod tumanida otasi ayoliga berishni xohlamagan o‘g‘il onaga sud orqali olib berildi. Bu haqda MIB axborot xizmati “Daryo”ga xabar berdi.
Maʼlum qilinishicha, paxtaobodlik J.B. va SH.B.larning ikki farzandi bor. Oilaviy nizolar sabab bolalarning birini ayol ota uyiga olib ketgan. 4 yoshli bolakayni esa otasi o‘zi bilan olib qolgan. O‘rtadagi kelishmovchiliklar tufayli ota o‘g‘lini ayoliga berishni istamagan.
Ona farzandini ko‘ra olmagach, sudga murojaat etgan. Ayolning daʼvosiga ko‘ra, bola onasi SH.B.ning qaramog‘iga olib berilishi belgilangan. Majburiy ijro byurosi Paxtaobod tuman bo‘limi xodimlari ijro harakatlari olib borib, bolani onasi tarbiyasiga olib berdi.
Izoh (0)