Qashqadaryo viloyatining Shahrisabz tumanida 2 yoshli bola vafot etgani ortidan shifokor uning otasi tomonidan kaltaklandi.
Maʼlum qilinishicha, 17-aprel kuni Shahrisabz tuman bolalar shifoxonasida davolanayotgan 2 yoshli bola vafot etgan. Uning hayotini saqlab qolishga uringan jarrohlik bo‘limi boshlig‘i esa bolaning otasi tomonidan kaltaklangani aytilmoqda. 42 yoshli shifokor shifoxonada davolanmoqda.
“Shifoxonaga 2 yoshli bolachani olib kelishgan. Uning shikoyatida onasi divandan yiqitib qo‘ygan va shifoxonaga murojaat qilgan. Ahvoli og‘irlashgach jonlantirish bo‘limiga o‘tkazilgan. Bosh miyasiga qon quyilgani aniqlandi. Bolaning uydagilariga ahvoli haqida muntazam xabar berib turdik, ahvoli og‘irligini tushuntirdik. Afsuski, 17-aprel kuni unda biologik o‘lim sodir bo‘ldi. Otasiga aytganimdan keyin, u yuzimga musht bilan urdi. Hushimni yo‘qotdim. Qolganini eslolmayman”, — deydi kaltaklangan shifokor.
Izoh (0)