Prezidentning “Davlat ishtirokidagi yirik korxonalarni transformatsiya qilish va xususiylashtirish jarayonlarini jadallashtirish chora-tadbirlari to‘g‘risida”gi qarori qabul qilindi.
Qarorga ko‘ra, 2024-yilning oxirigacha “Samarqand avtomobil zavodi” MCHJdagi 75,2 foiz, “Dehqonobod kaliy zavodi”dagi 100 foiz davlat ulushi ommaviy savdoga chiqariladi.
Bundan tashqari, 7 ta yirik kompaniyadagi ulushlar professional konsultantlarni jalb qilgan holda, xalqaro bozorda ommaviy savdolarga chiqariladi.
Shu bilan birga, Navoiy KMK, Olmaliq KMK, “O‘zbekgidroenergo” va “O‘zbektelekom” AJ aksiyalarining ham 5 foizgacha qismi birlamchi (IPO) yoki ikkilamchi (SPO) ommaviy taklif vositalari orqali xalqaro fond bozorlariga chiqariladi.
Aprel o‘rtalarida Shavkat Mirziyoyevga 2024-yilgi xususiylashtirish dasturi va uning ijrosini samarali tashkil etishga qaratilgan chora-tadbirlar haqida axborot berilgandi. O‘shanda davlat aktivlari 3 oyda sotilmasa, (Toshkent shahri va viloyat markazlari bundan mustasno) ularning boshlang‘ich bahosi 10 foizgacha bosqichma-bosqich pasaytirilishi ma’lum qilingan edi.
Izoh (0)