Nigeriyada yonilg‘i tashuvchi sisternaning portlashi tufayli tirbandlikdagi 100 ga yaqin avtomobil yonib ketdi. Bu haqda The Nation xabar berdi.
Hodisa 26-aprel kuni taxminan soat 19:30 da Rivers shtatidagi Port-Xarkort shahridan janubi-sharqda sodir bo‘lgan. Guvohlar yonilg‘i tashuvchi avtomashina avariyaga uchragani, oqibatda portlash sodir bo‘lib, yong‘in boshqa avtomobillarga, jumladan, yoqilg‘i baklariga ham o‘tganini ma’lum qilgan. Ko‘pgina haydovchilar tez tarqalayotgan alangadan mashinani chiqarib olish umidida so‘nggi daqiqalargacha rulda qolgan.
“Tirbandlik shu qadar zich ediki, haydovchilar uchun harakatlanadigan joy qolmagan, ko‘pchilik esa avtomobilidan chiqa olmagan”, — deyiladi xabarda.
Yonilg‘i tashuvchi avtomobil boshqa transport vositasi bilan to‘qnashib, yonib ketdi va portladi. Yong‘in tiqilinchda turgan boshqa avtomobil va benzovozlarga ham tarqaldi. Oqibatda to‘rt kishi, jumladan, homilador ayol yonib ketdi. Voqea joyiga qaytgach, 300 dan ortiq avtomobil yonib ketganini ko‘rdik, — deydi voqea guvohlaridan biri.
Yong‘in bir necha soatdan keyin o‘chirilgan. Qidiruv-qutqaruv ishlari davom etmoqda, qurbonlar soni hozircha noma’lum. Yangilangan ma’lumotlarda 100 ga yaqin avtomobil yonib ketgani ma’lum qilingan.
Izoh (0)