Нигерияда ёнилғи ташувчи цистернанинг портлаши туфайли тирбандликдаги 100 га яқин автомобиль ёниб кетди. Бу ҳақда Тhе Nation хабар берди.
Ҳодиса 26 апрель куни тахминан соат 19:30 да Риверс штатидаги Порт-Харкорт шаҳридан жануби-шарқда содир бўлган. Гувоҳлар ёнилғи ташувчи автомашина аварияга учрагани, оқибатда портлаш содир бўлиб, ёнғин бошқа автомобилларга, жумладан, ёқилғи бакларига ҳам ўтганини маълум қилган. Кўпгина ҳайдовчилар тез тарқалаётган алангадан машинани чиқариб олиш умидида сўнгги дақиқаларгача рулда қолган.
“Тирбандлик шу қадар зич эдики, ҳайдовчилар учун ҳаракатланадиган жой қолмаган, кўпчилик эса автомобилидан чиқа олмаган”, — дейилади хабарда.
Ёнилғи ташувчи автомобиль бошқа транспорт воситаси билан тўқнашиб, ёниб кетди ва портлади. Ёнғин тиқилинчда турган бошқа автомобиль ва бензовозларга ҳам тарқалди. Оқибатда тўрт киши, жумладан, ҳомиладор аёл ёниб кетди. Воқеа жойига қайтгач, 300 дан ортиқ автомобиль ёниб кетганини кўрдик, — дейди воқеа гувоҳларидан бири.
Ёнғин бир неча соатдан кейин ўчирилган. Қидирув-қутқарув ишлари давом этмоқда, қурбонлар сони ҳозирча номаълум. Янгиланган маълумотларда 100 га яқин автомобиль ёниб кетгани маълум қилинган.
Изоҳ (0)