Toshkent shahrida gul ko‘chatlarini xarid qilish va ekishga 7 milliard 920 million so‘m mablag‘ ajratiladi. Poytaxt hokimi bu boradagi tegishli qarorni qabul qildi.
Qayd etilishicha, ushbu mablag‘ shahar mahalliy byudjetining zaxira jamg‘armasi hisobidan Obodonlashtirish bosh boshqarmasi tizimidagi ixtisoslashtirilgan boshqarma va tumanlar obodonlashtirish boshqarmalariga ajratiladi.
Mablag‘lar quyidagicha taqsimlanadi:
- Bektemir tumaniga 50 million so‘m;
- Mirobod tumaniga 350 million so‘m;
- Mirzo Ulug‘bek tumaniga 415 million so‘m;
- Sergeli tumaniga 70 million so‘m;
- Olmazor tumaniga 400 million so‘m;
- Shayxontohur tumaniga 240 million so‘m;
- Yashnobod tumaniga 150 million so‘m;
- Chilonzor tumaniga 435 million so‘m;
- Uchtepa tumaniga 110 million so‘m;
- Yunusobod tumaniga 100 million so‘m;
- Yakkasaroy tumaniga 300 million so‘m;
- Yangihayot tumaniga 100 million so‘m.
Irrigatsiya xo‘jaligi va ko‘kalamzorlashtirish obyektlarini ta’mirlash ixtisoslashtirilgan boshqarmasiga 3,2 milliard so‘m, Markaziy maydonlarni obodonlashtirish ixtisoslashtirilgan boshqarmasiga 1,5 milliard so‘m va Hukumat obyektlariga xizmat ko‘rsatish ixtisoslashtirilgan boshqarmasiga 500 million so‘m yo‘naltiriladi.
Eslatib o‘tamiz, 2023-yil noyabr oyida Shavkat Umurzoqov qarori bilan “Otalar choyxonasi”, “Uch avlod uchrashuvi” va “Buvijonlar maktabi” kabi oylik tadbirlarni o‘tkazish va “bir piyola choy” tashkil qilish uchun byudjetdan 10 milliard so‘m mablag‘ ajratilishi to‘g‘risida xabar berilgandi.
Izoh (0)