AQSH Vakillar palatasi Isroilga 26 milliard dollarlik harbiy yordam ko‘rsatishni nazarda tutuvchi qonun loyihasini ma’qulladi. Falastin prezidenti matbuot kotibi Nabil Abu Rudeyna bunga munosabat bildirdi.
Rudeyna Falastindagi tinchlik mintaqa va dunyoda barqarorlikka olib keladigan yagona yo‘l ekanini ta’kidladi.
“AQSHning Isroilga yordami Falastin xalqiga qarshi eskalatsiyani kuchaytirishni va tajovuzni ifodalaydi, Isroilga mintaqadagi barcha mamlakatlarni qamrab olishi uchun urush ko‘lamini kengaytirishda yashil chiroq yoqadi”, — ta’kidladi u.
Rudeyna AQSH Kongressi vakillar palatasi tomonidan Isroil foydasiga ma’qullangan yordam paketini qoralab, bu AQSHning Yaqin Sharqda xavfsizlik va barqarorlikka erishishdagi ishonchini shubha ostiga qo‘yishini aytdi.
“AQSH Isroilning G‘arbiy Sohilga, jumladan, bosib olingan Quddusga hujumlarini oqlovchi o‘ta o'ng hukumatni qo‘llab-quvvatlashda davom etmoqda va falastinlik qochqinlarga yordam bergan BMTning falastinlik qochqinlarga yordam ko‘rsatish agentligini (UNRWA) qo‘llab-quvvatlashni to‘xtatdi”, — dedi Rudeyna.
20-aprel kuni AQSH Kongressining Vakillar palatasi rejadan tashqari shanba kungi sessiyasida Rossiya aktivlarini Ukraina foydasiga musodara qilish, shuningdek, Isroil va Tayvanga yordam ko‘rsatish to‘g‘risidagi qonun loyihasini qabul qildi. Rossiya AQSH qaroriga munosabat bildirdi. Jumladan, Vladimir Putinning matbuot kotibi Dmitriy Peskovning aytishicha, AQSH Vakillar palatasining Kiyevga yordam ko‘rsatish haqidagi qarori AQSHni yanada boyitib, Ukrainani esa vayron qiladi.
Izoh (0)