Шри-Ланкадаги автопойгада машина йўлдан чиқиб кетиб, томошабинларни босиб кетди. Оқибатда 7 киши ҳалок бўлди, 21 киши жароҳатланди. Бу ҳақда Newsfirst хабар берди.
Йўл-транспорт ҳодисаси 21 апрель куни собиқ ҳарбий гарнизон ҳудудида ўтказиладиган Fох Hill Super Cross мусобақасида содир бўлган. Бу йил пойгани томоша қилиш учун 100 мингдан ортиқ киши келган.
Полиция маълумотларига кўра, мусобақада иштирок этаётган автомобиллардан бирининг ҳайдовчиси бошқарувни йўқотиб, оломон томон ҳайдаган. Ҳалок бўлганлар орасида болалар ҳам бор. Жабрланганлар шифохоналарга етказилган. Тўрт ярадорнинг аҳволи оғир деб баҳоланмоқда.
Изоҳ (0)