Ekvador rahbari Daniel Noboa mamlakat energetika tizimidagi yirik inqiroz tufayli ikki oylik milliy favqulodda holat e’lon qildi. Bu haqda Expresco xabar berdi.
Jiddiy ichki tartibsizliklar va butun mamlakat bo‘ylab elektr energetikasi tanqisligi tufayli yuzaga kelgan jamoat falokatlari sababli favqulodda holat e’lon qilinsin, — deyiladi prezident farmonida.
60 kun davomida amalda bo‘ladigan favqulodda farmon “sabotaj, terrorchilik hujumlari va boshqa tahdidlarning oldini olish uchun” muhim energetika infratuzilmasi xavfsizligini taʼminlash uchun politsiya va harbiy kuchlarni safarbar etishni buyurgan.
Milliy energetika inqirozi, asosan, qurg‘oqchilik sharoitida gidroelektrostansiyalarning yopilishi bilan bog‘liq bo‘lib, Ekvador bo‘ylab chiroqning sakkiz soatgacha muntazam ravishda o‘chirilishida aks etadi. Vaziyatni qo‘shni Kolumbiyadan elektr energiyasi yetkazib berishning to‘xtatilgani yanada og‘irlashtirgan.
Ekvador hukumati avvalroq Energetika va konchilik vazirligining 22 nafar yuqori martabali mansabdor shaxslari, jumladan, tizimning ishlashi uchun muhim maʼlumotlarni qasddan yashirgan va qarorlarni kechiktirgan sobiq vazir Andrea Arroboga qarshi prokurorlarga shikoyat qilgan edi.
Izoh (0)