Pokiston, Indoneziya va Malayziya vakillari 19-aprel kuni Falastinni BMTga qabul qilish rezolyutsiyasini tasdiqlamagani uchun BMT Xavfsizlik kengashiga norozilik notasi topshirdi. Bu haqda Anadolu nashri xabar berdi.
Manbada aytilishicha, BMT aʼzoligidagi ayrim davlatlar tashkilotning Falastinni qabul qilishdagi layoqatsizligidan norozi bo‘lgan. Xavfsizlik kengashining bu boradagi faoliyatini tanqid ostiga olgan.
Pokiston Tashqi ishlar vazirligi matbuot kotibi Mumtoz Zahra Baloch Islomobod Kengashdagi munozaralarda aniq natijaga va konsensusga erisha olmaganligi va Falastinning BMTga aʼzo bo‘lishini Bosh assambleyaga tavsiya eta olmaganidan qattiq afsusda. Jakarta va Kuala-Lumpurdagi hukumatlar ham bu borada Islomobod bilan hamkorligini eʼlon qilgan.
“Biz AQSHning Falastinning BMTga to‘laqonli aʼzo bo‘lishi to‘g‘risidagi rezolyutsiya loyihasiga veto qo‘yish qaroridan afsusdamiz”, — deyilgan Pokiston bayonotida.
Falastin tarafdorlari mamlakatni BMT oldida tan olish uchun tarixiy zarurat tug‘ilganini aytishgan. Falastin BMTda bo‘lmas ekan Yaqin Sharqda “alanga” o‘chmasligini bildirishgan.
“Bu Falastin xalqi 75 yildan ortiq vaqtdan beri azob chekayotgan tarixiy adolatsizlikka barham berish yo‘lidagi qadam bo‘lgan bo‘lardi. Bu ularning o‘z taqdirini o‘zi belgilash huquqini tasdiqlaydi. Falastinliklar suveren va mustaqil Falastin davlatida yashash huquqiga ega bo‘ladilar. 1967-yil 4-iyunda belgilangan chegaralar asosida va poytaxti Quddus bo‘lgan holda davlat tuzilishi zarur”, — deyilgan BMTdagi Pokiston vakili bayonotida.
Maʼlumot o‘rnida, AQSH BMT Xavfsizlik kengashi eʼlon qilgan so‘nggi uchta rezolyutsiyada veto huquqidan foydalandi. Ulardan ikkitasi Isroil va so‘ngisi Falastin masalasida edi.
Dastavval Xitoy vakillari AQSHdan veto huquqini olib qo‘yishni talab qilgan murojaat bilan chiqishgan edi. Keyinchalik Pokiston, Malayziya, Indoneziya hukumatlari bu murojaatni qo‘llagan.
Izoh (0)