Falastinlik qochqinlarga yordam berish va ishlarni tashkil etish bo‘yicha Birlashgan Millatlar Tashkilotining Yaqin Sharq agentligi (UNRWA) isroillik harbiylar tomonidan falastinlik mahbuslarga jinsiy zo‘ravonlik qilinganini maʼlum qildi. Bu haqda Al Jazeera nashri batafsil xabar berdi.
Manbada aytilishicha, mahbuslarga muttasil zo‘ravonlik qilingan. Ularga nisbatan askarlar tomonidan g‘ayriinsoniy xatti-harakatlar sodir etilgan.
“Erkaklar ham, ayollar ham hibsda bo‘lgan paytlarida (Isroil armiyasi tomonidan) jinsiy zo‘ravonlik va taʼqibga uchraganliklari haqida xabar berishdi. Mahbuslar yechinishga majburlanib, so‘ngra kaltaklangan. Elektr zondga o‘tirishga majburlanganlar haqida ham xabar berilgan”, — deyiladi xabarda.
BMT hisobotida qo‘shimcha qilinishicha, hibsga olingan ayollar ham psixologik zo‘ravonlikni boshidan o‘tkazgan. Ularga nisbatan tahdidli buyruqlar berilgan.
“Ular askarlardan yuzimga tupurishni so‘rashdi. Meni yengiltak deb atashdi. Muttasil kaltaklashdi va jinsiy aʼzolarimizga qalampir sepish bilan tahdid qilishdi”, — degan 34 yoshli falastinlik ayol.
BMT mahbuslarga jinsiy zo‘ravonlik qilinishi yuzasidan Isroilga ogohlantirish yuborgan. Isroil rasmiylari ayblovni rad etgan.
Izoh (0)