10-aprel sanasida Meksikaning Monterrey shahrida KONKAKAF Chempionlar kubogi chorak final javob uchrashuvi bo‘lib o‘tdi.
Unda Meksika klubi 3:1 hisobida g‘alaba qozonib, turnirning yarim finaliga yo‘l oldi (birinchi o‘yin natijasi— 2:1).
31-daqiqada mezbonlar hujumchisi Brandon Vaskes hisobni ochdi. 58-daqiqada German Berterame hisobni yiriklashtirdi. 64-daqiqada yarim himoyachi Xesus Gallardo gol urib, hisobni 3:0 ko‘rinishiga olib keldi. 78-daqiqada himoyachi Xordi Alba ikkinchi bor sariq kartochka olib, mehmonlar ozchilikda qoldi. 85-daqiqada yarim himoyachi Diego Gomes argentinalik hujumchi Lionel Messining uzatmasidan “Inter Mayami”ning yagona javob golini kiritdi.
Messi mehmonlar safida asosiy tarkibda maydonga tushdi va jamoasining yagona goliga assistentlik qildi. Urugvaylik hujumchi Luis Suares ham to‘liq o‘yin o‘tkazdi.
Chempionlar kubogi
1/4 final javob bahsi
10-aprel, yakshanba
“Monterrey” — “Inter Mayami” 3:1
Gollar: 1:0 —Vaskes (31), 2:0 — Berterame (58), 3:0 — Galyardo (64), 3:1 —Gomes (85).
“Monterrey”: Andrada, Medina, Gusman, Arteaga, Galyardo (Lopes, 80), Mesa (Kortiso, 80), Kanales (Gonsales, 85), Romo (Kantu, 85), Agirre, Vaskes (Govea, 76), Berterame.
“Inter Mayami”: Kellender, Veygandt, Freyre, Allen, Aviles, Alba, Buskets, Gressel, Gomes, Messi, Suares.
Ogohlantirishlar: Suares (70), Alba (74), Medina (84).
Chetlatish: Alba (78).
Birinchi o‘yin — 1:2.
Izoh (0)