Amerikaning “Nyu-York Red Bullz” klubi MLS professional futbol ligasi doirasida 24-mart sanasida bo‘lib o‘tgan o‘yinda o‘z maydonida “Inter Mayami”ni mag‘lub etdi.
O‘yin Xarrisondagi (AQSh) Red Bull Arenada bo‘lib o‘tdi va 4:0 hisobida yakunlandi. “Inter Mayami” bosh murabbiyi Xerardo Martino o‘yindan so‘ng jamoasining mag‘lubiyatini emotsional tarzda izohladi.
Raqib o‘yin boshidanoq bizdan ustunlik qildi. “Red Bullz”da g‘alaba qozonish istagi bor edi, bizning jamoada esa bu sezilmadi. Agar jamoa g‘alaba qozonishni xohlamasa, raqobat ruhi bo‘lmagan o‘yinga kirsa, albatta, mag‘lubiyatga uchraydi. Messining yo‘qligi har qanday jamoa uchun katta yo‘qotishdir, — deya Martinoning so‘zlarini keltirmoqda Daily Star.
Eslatib o‘tamiz, argentinalik hujumchi Lionel Messi tizzasidan olgan jarohati sabab qatorasiga ikkinchi o‘yinni o‘tkazib yubordi.
“Inter Mayami” MLS turnir jadvalida 6 o‘yindan keyin 10 ochko bilan ikkinchi o‘rinda bormoqda.
Izoh (0)