Bugungi qahramonlarimiz dunyo kumirlari edi, ularning o‘limi ko‘pchilikni hayratda qoldirgan. Hozirgacha ijtimoiy tarmoqlarda ularning buyuk asarlari, shuningdek, fotosuratlari esga olinadigan fan-klublari mavjud.
Robin Uilyams
Robin Uilyams “Eng yaxshi aktyor” nominatsiyasida “Oskar” mukofotiga uch marta nomzod bo‘lgan; uning oltita “Oltin globus” mukofoti va Shon-sharaf xiyobonida yulduzi bor. Aktyorning filmografiyasi boy — 70 dan ortiq loyihalar, jumladan, afsonaviy “Jumanji”, “Uyqusizlik”, “Muzeydagi tun”, “Zakovatli Uill Hanting” va boshqalar.
Uilyams 2014-yilda 63 yoshida vafot etadi. U uzoq muddatli depressiya, spirtli ichimliklarga qaramlik bilan kurashadi. Aktyor demensiyadan aziyat chekadi, ammo bu tashxis vafotidan keyingina qo‘yilgan. Rasmiy versiyaga ko‘ra, aktyor ruhiy tushkunlikka dosh bera olmagani uchun bo‘g‘ilib, o‘z joniga qasd qilgan.
Xit Lejer
2008-yil 22-yanvarda 29 yoshli kino yulduzi vafot etgani haqidagi xabar muxlislarni hayratda qoldiradi. Keyinchalik ma’lum bo‘lishicha, Xitning qonida ko‘plab dorilar, jumladan, og‘riq qoldiruvchi vositalar, uyqu tabletkalari va trankvilizatorlar topilgan — aktyor bularning barchasini shifokor buyurganidek qabul qilgan, ammo uyqusidagi muammolar tufayli u normadan oshib ketgan.
Yulduzning o‘limi “Qora ritsar” filmini suratga olish bilan ham bog‘lanadi, film sabab aktyor bipolyar buzilishga chalingan: qahramonini o‘rganish uchun Xit 43 kunni motelda yolg‘iz o‘tkazadi. Jokerning xatti-harakatlarini kundalikka yozib borish va qahramonning yuz ifodalarini yaxshiroq yetkazish uchun A Clockwork Orange filmidagi Aleks Delarjning xatti-harakatlariga taqlid qilgan.
Xitning otasi Kim o‘g‘li har doim o‘z ishiga mukkasidan ketganini, ammo “Qora ritsar”da buni haddan tashqari oshirib yuborganini ta’kidlaydi. Qo‘shma Shtatlardagi film premyerasi 2008-yil 18-iyulda bo‘lib o‘tadi va kichik Lejer bu roli uchun vafotidan keyin “Oskar” bilan taqdirlanadi. Aktyorning o‘limidan so‘ng ekranlarga chiqqan ikkinchi asari “Doktor Parnasning xayoloti” kartinasi edi.
Brittani Merfi
Mallasoch jigarrang ko‘zli qiz “Shaharlik qizlar”, “Bema’nilar”, “Gunohlar shahri”, “Yosh kelin-kuyov”, “Kichkina qora kitob” va boshqa filmlarda suratga tushib, 60 dan ortiq asarlarda rol o‘ynagan. Brittani 2009-yilning qishida 32 yoshida vafot etdi. Hozirgacha yulduzning o‘limi sababi to‘liq oshkor etilmagan, ammo rasmiy versiyada pnevmoniya, shuningdek, giyohvand moddalarning haddan tashqari dozasi va kamqonlik sabab sifatida keltiriladi. O‘sha kuni qiz yuvinish xonasidan topilgan.
Uch oy o‘tgach, uning eri, rejissyor Saymon Monjak ham xuddi shu kvartirada o‘lik holda topilgan. Sabablari Merfi bilan bir xil. Sog‘liqni saqlash vazirligi er-xotin uy sharoitida zamburug‘ yuqtirgan bo‘lishi mumkinligini istisno qilmaydi, bu esa ularning o‘limiga olib kelgan bo‘lishi mumkin. Merfining o‘limidan so‘ng u ishtirok etgan ikkita film ekranlarga chiqadi.
Pol Uoker
Brayan O’Konnor rolini o‘ynagan “Forsaj” filmlari yulduzi jangovar filmning yettinchi qismini suratga olish vaqtida avtohalokatda vafot etadi. Pol do‘sti Rojer Rodas bilan Reach Out Worldwide tadbiridan uyga qaytayotganda ustun va daraxtga borib urilgan. Natijada mashina yonib ketadi, Uoker va Rodas voqea joyida vafot etadi.
Brendon Li
Brendon Li — kino aktyor va jang san’ati ustasi Bryus Lining o‘g‘li, u otasining izidan borib, filmlarda rol o‘ynagan. U “Lazer operatsiyasi”, “Tokiodagi kichik mushtlashuv”, “Dovul ostida” filmlarida asosiy rollarni ijro etadi. Ammo haqiqiy muvaffaqiyat unga vafotidan keyin “Quzg‘un” filmi ekranlarga chiqqach keladi — Brendon suratga olish maydonchasida vafot etadi.
Gap shundaki, syujetga ko‘ra, uning qahramoni Erik Draven otib o‘ldirilishi kerak edi, ammo nimadir xato ketib, xavfsiz to‘pponcha otilib ketadi — o‘q Lining oshqozonini teshib o‘tadi. Ma’lum bo‘lishicha, qurolning vinti tiqilib qolgan va “xolostoy” otilganda o‘q chiqib ketib, Lini o‘ldirgan.
Shifokorlar 28 yoshli yigitning hayoti uchun 12 soat davomida kurashadi, ammo hech narsa natija bermaydi — u qon yo‘qotishdan vafot etadi. Fojia aktyorning nikohidan 18 kun oldin sodir bo‘ladi. Rejissyorlar “Quzg‘un” filmini Brendonga bag‘ishlagan. Rolni kompyuter grafikasidan foydalangan holda dublyor yakuniga yetkazib qo‘ygan.
Izoh (0)