Asrlar davomida qayta-qayta ko‘rish mumkin bo‘lgan filmlar bor. Ammo vaqt o‘tishi bilan yorqinligini yo‘qotadiganlari ham yo‘q emas.
“Uddaburon bolalar” franshizasi
“Uddaburon bolalar” — josuslik haqidagi bir qator komedik filmlarni o‘z ichiga olgan franshiza. Jami 5 ta film va bitta animatsion serial chiqarilgan. Bundan tashqari, ushbu filmga asoslangan kitoblar, komikslar va videoo‘yinlar mavjud.
Kamchiliklari: Ammo bu filmlarning asosiy xususiyati shundaki, ular faqat bolalarga qaratilgan. Agar ularni qayta ko‘rsangiz, syujetdagi xatoliklar, qahramonlarning ahmoqona harakatlari va, albatta, maxsus effektlarning sifatsizligi darhol ayon bo‘ladi.
“Edvard qaychiqo‘l”, 1990
“Edvard qaychiqo‘l” — Tim Byorton rejissyorlik qilgan gotika uslubidagi romantika. Rejissyor o‘zini o‘zi anglash filmning asosiy mavzusi deb atagan. Film chiqqan paytda tanqidchilar ham, tomoshabinlar ham uni zamonaviy ertak bilan taqqoslab, asosan ijobiy baho berishadi.
Kamchiliklari: G‘ayrioddiy mavzu va yoqimsiz qahramonga qaramay, filmni qayta ko‘rish zerikarli va qiziq emas. Hikoya ritmidagi kamchiliklarni sezish mumkin. Bundan tashqari, romantik voqealarni tomosha qilish tomoshabinga hech qanday zavq keltirmaydi.
“Muvozanat”, 2002
“Muvozanat” — Kurt Vimmer tomonidan yozilgan va rejissyorlik qilingan ilmiy-fantastik film. Tanqidchilar filmni “Farengeyt bo‘yicha 451” va “1984” klassik asarlari bilan taqqoslab, aniq xatoliklarni qayd etishlariga qaramay, rejissyor bunday bayonotlarni qat’iyan rad etadi.
Kamchiliklari: Ekshn sahnalarining yomon yo‘nalishi, salmog‘i yo‘q syujetlar, film voqealarining mantiqqa bo‘ysunmasligi va g‘oyaning zaifligi kartinaning ko‘zga tashlanib turadigan kamchiliklari hisoblanadi.
“Yozning 500 kuni”, 2009
“Yozning 500 kuni” — syujet chizig‘i bo‘lmagan hikoya tuzilishiga ega komedik melodrama. U erkak qahramonning hikoyasi va uning muvaffaqiyatsiz munosabatlari haqidagi xotiralariga asoslangan. Kino tanqidchilari filmni 2009-yil oxirida bir nechta “eng yaxshi 10 ta film” ro‘yxatiga kiritadi.
Kamchiliklari: Turli yoshda bosh qahramonlarga munosabat o‘zgaradi. Bir tomoshabin ta’kidlaganidek, balog‘atga yetmagan bo‘lsangiz, Tom tarafida bo‘lasiz. Katta bo‘lgach, Sammer tomoniga o‘tasiz. Ammo yetarlicha yetuk bo‘lganingizda, ularning ikkalasi ham ahmoq ekanligini tushunasiz.
“Yengilmas qahramonlar ligasi”, 2003
“Yengilmas qahramonlar ligasi” — komikslarga asoslangan, ammo syujeti va atmosferasi jihatidan farq qiladigan superqahramonlik filmi. Film taniqli adabiy qahramonlarni bir joyga jamlagani bilan ajralib turadi. Ular orasida kapitan Nemo, Tom Soyer, Dorian Grey va professor Moriartini ko‘rish mumkin.
Kamchiliklari: Agar ijodkorlar syujet asos bo‘lgan asl manbaga e’tibor qaratganida, film ancha yaxshi va qiziqarliroq bo‘lardi. Minani (originalda “Drakula” qahramoni) jozibador qilish uchun vampirga aylantirilgani kinoijodkorlarning manbani shunchaki tushunmaganini ko‘rsatadi.
“Raqs zavqi” franshizasi
“Raqs zavqi” — bu romantika va raqs uyg‘unlashgan antologiya. Hammasi bo‘lib, franshiza oltita film va teleserialni o‘z ichiga oladi. Tanqidchilar unchalik xayrixoh bo‘lmasalar-da, lekin film tomoshabinlar orasida muvaffaqiyat qozonadi va katta kassa yig‘adi.
Kamchiliklari: Eng yaxshi hikoya birinchi filmda edi, keyingilari borgan sari yomonlasha boshladi. Ammo raqslar har safar yaxshi chiqdi va shu narsagina tomoshabinlarni ushlab turdi. Sahnalarda ham juda ko‘p qo‘pol xatolar va nomuvofiqliklar mavjud bo‘lib, bu filmni qayta ko‘rish istagiga ham ta’sir qiladi.
“Kelin malika”, 1999
“Kelin malika” — sarguzasht-komedik romantika. Hikoya Uilyam Goldmanning 1973-yildagi xuddi shu nomli kitobi asosida ishlangan. Avvaliga kassada kamtarona muvaffaqiyatga erishgan film oxir-oqibat klassikaga aylanadi va 1980-yillarning eng yaxshi filmlaridan biri sifatida tan olinadi.
Kamchiliklari: Tomoshabin bosh qahramon, qaroqchi Uestlining harakatlarida chalkashib keta boshlaydi. U yirtqich hayvon sifatida namoyon bo‘ladi. U qaroqchilikka majbur bo‘lgan bo‘lishi mumkin, lekin u rahbar bo‘lganidan keyin bunday ishlarini to‘xtatishi mumkin edi.
Izoh (0)