Исроил бош вазири Биньямин Нетаньяху Ғазо секторидаги урушда барча мақсадларга эришишига, жумладан, Рафаҳда ҲАМАС ҳаракатининг қолган батальонларини йўқ қилишга дунёда ҳеч ким тўсқинлик қила олмаслигига ишонч билдирди.
“Биз ҲАМАС батальонларини, жумладан, Рафаҳни йўқ қилиш бўйича операцияни муваффақиятли якунлаймиз. Дунёда бизни тўхтата оладиган куч йўқ. Буни қилишга уринаётган кўплаб кучлар бор, аммо бу уларга ёрдам бермайди... Бизнинг учта мақсадимиз бор — гаровга олинганларни қайтариш, ҲАМАСни йўқ қилиш ва Ғазо Исроил учун бошқа хавф туғдирмаслигини таъминлаш”, — деди бош вазир.
“Биз ғалаба қозонганимизда бу шунчаки ҲАМАС устидан ғалаба бўлмайди, бу буюк ғалаба бўлади. Яқин Шарқда ва ундан ташқарида ҳамма бу жанг майдонида ким ғалаба қозонишини кўриш учун кутиб турибди. Сиз ким ғалаба қозонишини аллақачон биласиз”, — деди бош вазир.
Изоҳ (0)