Isroil mudofaa kuchlari 8-aprel kuni tark etgan G‘azodagi Xon Yunus shahridan 56 nafar falastinlikning jasadlari topildi. Bu haqda Al Jazeera nashri xabar berdi.
Al Jazeera xabariga ko‘ra, bir necha oylik amaliyotdan so‘ng Isroil kuchlari hududni tark etgach, shaharning turli qismlarida jasadlar topila boshlagan. Vayronalarni tekshirish jarayonida kun davomida kamida 56 nafar jasad aniqlangan. Mahalliy rasmiylar bu raqamlar ko‘payishi mumkinligini bildirgan.
Agence France-Presse axborot agentligining to‘g‘ridan-to‘g‘ri G‘azoda faoliyat olib borgan xodimlari xabariga ko‘ra, jasadlar soni bir necha yuz nafar bo‘lishi mumkin. Harbiy amaliyot paytida askarlar o‘ldirgan mahalliy aholi vakillari ko‘p hollarda vayronalar ostida qolib ketgan va ularni chiqarib olish imkoni bo‘lmagan.
Ayni paytda Xon Yunusda qidiruv-qutqaruv ishlari davom etayotgani maʼlum qilingan. Hududga tezkor guruhlar va ularga yordam berishni istagan ko‘ngillilar jalb qilingan.
Izoh (0)