Isroilning G‘azo sektoriga so‘nggi 24 soat davomida uyushtirgan hujumlari oqibatida kamida 46 nafar falastinlik halok bo‘ldi. Bu haqda Anadolu nashri xabar berdi.
Manbada aytilishicha, hujum oqibatida yaralanganlar soni 65 nafarga yetgan. G‘azo Sog‘liqni saqlash vazirligi ular dala shifoxonalariga joylashtirilganini maʼlum qilgan.
“Isroil bosqinchilari G‘azo sektorida o‘tgan 24 soat ichida to‘rtta hududda qirg‘in amalga oshirdi, buning natijasida 46 kishi vafot etib. 65 kishi yaralandi”, — deyiladi vazirlik bayonotida.
Rasmiylar halok bo‘lganlarning ko‘pchiligi hali ham vayronalar ostida qolayotganini maʼlum qilishgan. Qutqaruv brigadalari hududda faol ishlayotgani maʼlum qilingan.
Maʼlumot o‘rnida, Isroil 2023-yil 7-oktyabrdan beri G‘azo sektoriga hujumini davom ettirmoqda. Hujum boshlangandan beri hududda kamida 33 137 falastinlik, asosan ayollar va bolalar halok bo‘lgan. 75 815 nafari yaralangan.
Izoh (0)