“Chelsi” yarim himoyachisi Koul Palmer Lionel Messi va Krishtianu Ronaldu o‘rtasida tanlov qildi.
“O‘yin uslubi va qo‘lga kiritgan barcha shaxsiy sovrinlarini hisobga olsak, shubhasiz, Messi. U shunchaki barcha davrlarning eng yaxshi futbolchisi. Messi yaqqol Ronaldudan oldinda, ammo Krishtianu ham eng zo‘rlar ro'yxatida”, — deya Palmerning so‘zlarini keltirgan Football Talk.
Lionel Messi faoliyati davomida sakkiz marta “Oltin to‘p”ni qo‘lga kiritgan. Krishtianu Ronaldu bu mukofotga 5 bora ega chiqqan.
Palmer “Manchester Siti” jamoasi tarbiyalanuvchisi hisoblanadi. Yarim himoyachi o‘tgan yilgi yozgi transfer oynasining so‘nggi kunida 47 million yevro evaziga “Chelsi”ga o‘tgan edi. Joriy mavsumda yarim himoyachi londonliklar safida barcha turnirlarda 39 ta o‘yin o‘tkazib, 21ta gol va 12 ta golli uzatmani amalga oshirdi. Futbolchining London klubi bilan shartnomasi 2030-yilning iyun oyi oxirigacha amal qiladi.
Transfermarkt internet portaliga ko'ra, futbolchining taxminiy narxi 55 million yevroni tashkil qiladi.
Izoh (0)