Umarali Rahmonaliyev: Biz kutgan onlar yaqinlashmoqda

O‘zbekiston U-23 terma jamoasi a’zosi Umarali Rahmonaliyev Osiyo Kubogiga tayyorgarlik va musobaqadan kutilayotgan natija haqida gapirib o‘tdi.

“Biz kutgan onlar, biz kutgan kunlar yaqinlashib kelmoqda. Turnirni 3 yildan buyon kutamiz. Tayyorgarliklar a’lo darajada. Jamoa kayfiyati ham, o‘yinlarga tayyorgarliklar ham o‘z joyida bormoqda.

Hammaning jismoniy holati yaxshi. Taktik jihatlardan ish olib boryapmiz. Klubim (“Rubin”) O‘FA bilan muzokara o‘tkazgan va meni chempionatga qo‘yib yuborishga rozilik bergan. Men endi terma jamoa ixtiyoridaman.

Bizni butun xalq kutib turibdi. Bu mas’uliyatni his qilmoqdamiz”, — deydi Umarali.

Eslatib o‘tamiz, Qatar mezbonlik qiladigan U-23 Osiyo Kubogi 15-aprel sanasidan boshlanadi. Final bahsi esa 3-may sanasiga belgilangan.