Ўзбекистон U-23 терма жамоаси аъзоси Умарали Раҳмоналиев Осиё Кубогига тайёргарлик ва мусобақадан кутилаётган натижа ҳақида гапириб ўтди.
“Биз кутган онлар, биз кутган кунлар яқинлашиб келмоқда. Турнирни 3 йилдан буён кутамиз. Тайёргарликлар аъло даражада. Жамоа кайфияти ҳам, ўйинларга тайёргарликлар ҳам ўз жойида бормоқда.
Ҳамманинг жисмоний ҳолати яхши. Тактик жиҳатлардан иш олиб боряпмиз. Клубим (“Рубин”) ЎФА билан музокара ўтказган ва мени чемпионатга қўйиб юборишга розилик берган. Мен энди терма жамоа ихтиёридаман.
Бизни бутун халқ кутиб турибди. Бу масъулиятни ҳис қилмоқдамиз”, — дейди Умарали.
Эслатиб ўтамиз, Қатар мезбонлик қиладиган U-23 Осиё Кубоги 15 апрель санасидан бошланади. Финал баҳси эса 3 май санасига белгиланган.
Изоҳ (0)